कारबाहीको पर्खाइमा

अहिले मुलुकमा एकपछि अर्को गर्दै भ्रष्टाचार तथा अख्तियार दुरुपयोगका ठूलठूला काण्डहरू सार्वजनिक भएका छन् । २५ किलोग्राम सुन काण्ड, ८८ किलोग्राम सुन काण्ड र नेपाल आयल निगमको जग्गा खरिद काण्ड ।

पछिल्लो समय नेपाल आयल निगमका कार्यकारी निर्देशक गोपालबहादुर खड्काले आयल निगमको जग्गा खरिद गर्दा आर्थिक हिनामिना गरेका प्रमाण विभिन्न सञ्चार माध्यमबाट छताछुल्ल भएका छन् ।
संसद्को उद्योग वाणिज्य तथा उपभोक्ता हित सम्बन्ध समितिले खरिद गरेकै जग्गामा गएर सम्बन्धित जग्गाको जग्गाधनी, स्थानीय बासिन्दा एवं सरोकारवालासँग अनुगमन तथा अन्तरक्रिया गर्दा आर्थिक अनियमितता भएको प्रमाणित गरेको छ । उक्त समितिले प्रतिवेदन तयार गरी दोषीलाई कारबाही गर्न सुझावसहित सरकारलाई प्रतिवेदन बुझाएको छ । निगमले ती जग्गा खरिदमा प्रचलित दरभन्दा चार गुणा बढी मूल्य तिरेर लगभग १ अर्ब ६७ करोड घोटाला भएको विवरण प्रतिवेदनमा रहेको भन्ने समाचार प्रकाशित भएका छन् ।
निगम सञ्चालक समितिका अध्यक्ष आपूर्ति सचिव कृष्ण देवकोटाले कार्यकारी निर्देशक खड्कालाई कारबाही गर्न सिफारिस गरेको सुन्नमा आएको छ । अब विभागीय हिसाबले कारबाही अगाडि बढाउने जिम्मा आपूर्ति मन्त्री शिवकुमार मण्डलको जिम्मामा पुगेको छ ।
आयल निगमको जग्गा खरिद प्रक्रियामा राजनीतिक दलका नेताहरूको समेत संलग्नता रहेको भन्ने विवरण पनि सार्वजनिक नभएका होइनन् । स–साना घटनामा सक्रिय रहने अख्तियार दुरुपयोग अनुसन्धान आयोग कानमा तेल हालेर बसेको आम नागरिकको बुझाइ छ । यस्ता अनियमिततालाई समयमै रोक्न सकिएन भने आगामी दिनमा योभन्दा ठूला काण्डहरू नदोहोरिएलान् भन्न सकिँदैन । यसका लागि सम्बन्धित पक्ष अझ बढी जिम्मेवार हुनु जरुरी छ ।
– विष्णुप्रसाद लम्साल
सहायक क्याम्पस प्रमुख, 
मध्यविन्दु बहुमुखी क्याम्पस कावासोती, नवलपरासी

 

प्रकाशित : भाद्र २९, २०७४ ०८:५८
प्रतिक्रिया
पठाउनुहोस्

छाए सागर

कान्तिपुर संवाददाता

काठमाडौं — ‘भ्युअर्स बढाउन मान्छेहरू जे पनि गर्छन्,’ इली इस्ट इन्कासेबल नामक युटयुब प्रयोगकर्ता लेख्छन्, ‘कसैको मृत्युको खिल्ली उडाउनु सही हो ?’

उनले बुधबार नेपाल ट्रेन्डिङको एक नम्बरमा परेको भिडियो ‘गर्ल सुसाइड फर सागर आले/नेपाल आइडल/फन’ शीर्षक भिडियो हेरेपछि उक्त प्रतिक्रिया दिएका थिए । सनसनीपूर्ण शीर्षक राखेर भ्युज तान्न खोजेको भन्दै धेरैले आक्रोश व्यक्त गरेका छन् । केहीले चाहिँ पपुलारिटी कमाएकोमा व्यंग्यात्मक बधाई दिएका छन् ।

रमाइलोका लागि बनाएको भनिएको भिडियोमा एक युवतीले आत्महत्या गरेको देखाइएको छ । त्यतिविघ्न नौटंकी पाच्य नभएको भन्दै भिडियो ट्रेन्डिङमा पर्नु नै आश्चर्य भएको सम्वत केसीले उल्लेख गरेका छन् । भिडियोले आफ्नो समय बर्बाद गरेकोमा उनले एक मिनेट मौनधारण गरेको समेत बताएका छन् ।
‘छक्का पञ्जा २’ को ट्रेलरमा बुधबार साँझसम्म १३ लाख ८० हजार भ्युज थियो । ट्रेन्डिङको दोस्रो नम्बरमा परेको भिडियोलाई १७ हजार लाइक्स मिलेको देखियो भने २ हजार जनाले डिस्लाइक गरेका थिए । हजारौं कमेन्टमध्ये ‘टिच मी प्लिज’ नामक प्रयोगकर्ताले अर्को सिक्वेलमा अभिनेत्री प्रियंका कार्कीलाई हटाउन आग्रह गरेका छन् । प्रनिश खड्गीले चाहिँ आफूलाई ‘छक्का पञ्जा’ को ‘भुँडी फुटेर आन्द्रा निस्केको फयान’ बताएका छन् । संकेत पोखरेललाई ट्ेरलर राम्ररी सम्पादन नभएको भन्ने लागेछ । कृष्ण पोखरेल लेख्छन्, ‘माग्ने बूढाको मात्रै अभिनय राम्रो छ । अरू सबै तोरी ।’
‘टप भाइरल भिडियो’ नामक युटयुब च्यानलले अपलोड गरेको सागरसम्बन्धी भिडियो ट्ेरन्डिङको तेस्रो स्थानमा थियो । दुई लाखभन्दा बढी भ्युज रहेको भिडियोमा सागरले नेपाल आइडलबाट बाहिरिँदा बोलेका कुरा समेटिएका छन् । त्यसमा ३ सयभन्दा प्रतिक्रिया छन् । यम मगर नामक युटयुब युजरले आइडल जज इन्दिरा जोशी र न्हु बज्राचार्यप्रति आक्रोश पोखेका छन् । 
 
युटयुब ट्रेन्डिङमा टप फाइभ (बुधबार साँझसम्म) 
१. गर्ल सुसाइड फर सागर...
२. छक्का पञ्जा २ को ट्रेलर
३. सागरले बाहिरिएपछि...
४. हिमालयन रोडिज, ११
५. सागर आउट हुँदा... 

प्रकाशित : भाद्र २९, २०७४ ०८:५८
पूरा पढ्नुहोस्
प्रतिक्रिया
पठाउनुहोस्