मनाइयो जितिया

मंगलबार ताल, पोखरीमा स्नान गरी माछ–मरुवा (कोदो) खाइएको थियो । यसलाई नहाय खाय भनिन्छ । बुधबार बिहान काग कराउनुअघि आफ्ना पितृहरूलाई प्रसाद चढाइ चिउरा, दही, अमोट (आँपको सुकुटी) खाने चलन छ । जिमुतवाहन कथा श्रवणका लागि गंगासागरमा व्रतालु महिला भेला भएका थिए । यसैगरी जनकपुरको धनुषसागर तथा महाराजसरलगायत पोखरी तथा दूधमती, कमला, जमुनी र जलाद नदीकिनारमा पनि कथा श्रवणका लागि उल्लेख्य व्रतालु महिला उपस्थित भएका थिए ।