ओखलढुंगा — लाटोकसेरो तथा हुचिल संरक्षणका लागि पूर्वी नेपालका विभिन्न जिल्लामा चेतनामूलक गोष्ठी सुरु गरिएको छ । ‘प्रकृतिका साथीहरू’ नामक संस्थाले पूर्वी पहाडी जिल्लामा गोष्ठी सुरु गरेको हो ।
संरक्षित पक्षीका रूपमा राखिए पनि लगातार चोरीनिकासी र तस्करी हुने गरेको लाटोकसेरोको संरक्षणमा सरोकारवाला सबै जुट्न आह्वान गरिएको छ । नेपालमा २३ प्रजातिका लाटोकसेरो पाइने गरेकामा हाल २ प्रजाति लोप भएर २१ प्रजाति मात्र रहेको अनुमान गरिएको छ ।