हिरासतबाटै थुनुवा फरार

जिल्ला प्रहरी कार्यालयको हिरासतबाट शुक्रबार राति तीन जना थुनुवा फरार भएका छन् । शौचालयको
झ्यालबाट गोरखा नगरपालिका–६ का दीपेश मजाकोटी, भीमसेन–३ का अभिषेक अधिकारी र सन्दीप सुर्खेती भागेका हुन् । सार्वजनिक अपराध मुद्दा दर्ता गरेर अनुसन्धानका लागि प्रहरीले उनीहरूलाई हिरासतमा राखेको थियो । ‘मध्यराति शौचालयको रड बंग्याएर निस्केछन्,’ प्रहरी निरीक्षक रामचन्द्र शाहले भने । रातिदेखि नै खोजी कार्य जारी राखेको प्रहरी निरीक्षक शाहले बताए ।