राजविराज — सेवाग्राहीसँग घूस लिँदै गर्दा जिल्ला भूमिसुधार कार्यालयका प्रमुख प्रकाश पोखरेल पक्राउ परेका छन् । उनलाई १ लाख घूससहित अख्तियार दुरुपयोग अनुसन्धान आयोगको टोलीले बिहीबार पक्राउ गरेको हो ।
मोहियानी जग्गा बाँडफाँटसम्बन्धी विषयमा सेवाग्राहीसँग घूस लिँदै गर्दा पोखरेललाई पक्राउ गरिएको अख्तियारको पूर्वाञ्चल क्षेत्रीय कार्यालयका प्रहरी उपरीक्षक किसनसिंह थापाले जानकारी दिए ।