‘प्रहरी हाम्रो टोलमा’ प्रभावकारी
प्युठान — प्रहरीले सञ्चालन गरेको ‘प्रहरी हाम्रो टोलमा’ कार्यक्रम प्रभावकारी बनेको छ । यसले गाउँमा शान्तिसुरक्षा कायम रहने सर्वसाधरणको अपेक्षा छ । यसअन्तर्गत गाउँमा गठन गरिएका नागरिक सुरक्षा समन्वय समितिले अपराध रोकथाममा महत्त्वपूर्ण भूमिका खेल्न थालेको गाउँका अगुवाले बताए ।
गाउँमा शान्ति सुरक्षा कामय गर्न मद्धत पुर्याएको नौबहिनी गाउँपालिका–६ बाहानेका स्थानीय शंकर केसीले बताए । शनिबार उत्तरी प्युठानको बाहाने र डाम्रीमा सुरक्षा अवस्थाबारे स्थानीयसँग छलफल गरी समन्वय समिति गठन गरिएको छ । यसअघि जिल्लाका ढुंगेगढी र बाग्दुलामा समिति गठन भइसकेका छन् ।
प्रतिक्रिया