खानेपानीमा जापानी सहयोग

कान्तिपुर संवाददाता

मोरङ — विराटनगर महानगरपालिकाको खानेपानी सुधार र विकासका लागि जापान अन्तर्राष्ट्रिय सहयोग नियोग जाइकाले सहयोग गर्ने भएको छ । खानेपानी अवस्थाबारे जाइकाको प्रतिनिधिमण्डल, महानगरपालिका र खानेपानी संस्थानबीच छलफल भएको हो ।


जाइकाको नेपालका लागि वास एडभाइजर टाकासी सेकी र कार्यक्रम अधिकृत विद्या पोखरेलको टोलीले खानेपानी अवस्थाबारे जानकारी लिएको थियो । टोलीले यसको संरचनाको अनुगमनसमेत गरेको महानगरका कार्यवाहक प्रमुख इन्दिरा कार्कीले बताइन् ।
सेकीले विराटनगरको खानेपानी समग्र विकासका लागि सहकार्य गर्न जाइका तयार रहेको बताइन् । यसका लागि प्राविधिक रूपमा जाइका र महानगरले तयारी थालेको कार्कीको भनाइ छ ।
संस्थानका कामु सहायकप्रबन्धक शैलेन्द्रकुमार साहले महानगर क्षेत्रमा रहेको खानेपानी समस्याबारे बिस्तृत रूपमा जानकारी गराएका थिए । यसअघि विराटनगरमा खानेपानीको कारण जन्डिसबाट ८ जनाको मृत्यु भएको थियो भने संरचना जीर्ण हुँदा सडकमा जमेको र ढलको फोहोर पानीसमेत मिसिँदा अधिकांश उपभोक्ता समस्यामा परेकोसाहले बताए ।

प्रकाशित : कार्तिक २५, २०७४ ०७:२३
ADVERTISEMENT
प्रतिक्रिया
पठाउनुहोस्

सुरु भएन मतदाता शिक्षा

कान्तिपुर संवाददाता

पाँचथर — पहिलो चरणको निर्वाचन आउन अब मात्र १६ दिन बाँकी छ । र, पनि मतदाता शिक्षा कार्यक्रम सञ्चालन हुन सकेको छैन । निर्वाचन कार्यालयले मंसिर १० गते हुने चुनावका लागि मतदाता शिक्षा सुरु गर्न नसक्दा सर्वसाधारण अन्योलमा छन् ।


मतदाता शिक्षा सामग्री छपाइ तथा आपूर्तिमा ढिलाइ भएकाले कार्यक्रम गर्न नसकेको हो । यसका लागि निर्वाचन आयोगले तालिम र प्रचार सामग्री पठाए पनि गाउँगाउँबाट सहभागी आउन र सूचना सञ्चार गर्न ढिला हुँदा समयमै सूचना दिन नसकेको जिल्ला निर्वाचन कार्यालयले जनाएको छ ।
प्रतिनिधि र प्रदेशसभा सदस्य निर्वाचनका लागि पाँचथरमा १ लाख २५ हजार २ सय १९ मतदाता छन् । जिल्लाको एक नगर र ७ गाउँपालिकामा एक सय एक मतदानस्थल र एक सय ६५ मतदान केन्द्र तोकिएको छ । मतदाता शिक्षाका लागि हरेक मतदान केन्द्रमा एक निर्वाचन शिक्षा कार्यकर्ताको नेतृत्वमा स्वास्थ्य स्वयंसेविकालाई खटाइने कार्यालयले जनाएको छ ।

 

प्रकाशित : कार्तिक २५, २०७४ ०७:२३
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT