छाउपडीले निम्त्याउने समस्या

तर पनि यो नत निर्मूल हुनसकेको छ, न अधिकांशले यसको समर्थन गरेका छन् । छाउपडी विरुद्ध जस्तोसुकै भाषण दिए तापनि, लेखहरू छापिए तापनि पुरानो सामाजिक मान्यता र पुस्तौंदेखि चलिआएको छाउपडी प्रथा तत्काल हट्ला जस्तो लाग्दैन । किनकि पढेलेखेका, जागरुक महिला तथा किशोरीहरू पनि घरमा वृद्ध आमा–बाबुसंँगै बस्छन् । तिनका आमा, बाबु, बाजे, बज्यै नै तिनका विरोधी छन् । छाउको बेला घरभित्र पस्न दिँंदैनन् । चिसो गोठमा बस्न पठाउँछन् । कसैले त जंगलको बास पनि गराउँछन् । यो नचाहँदा–नचाहँदै पनि भोगी आएको समस्या हो । यसो हुँदा कोही बलात्कृत हुने, कोही जंगली जानवरको सिकार हुनुपर्ने, कोही बिरामी हुने जस्ता समस्या आइपर्ने निश्चित नै छ ।
– पूर्णप्रसाद चिमरिया
शान्तिनगर–३४, काठमाडौं