रुसलाई शीतकालीन ओलम्पिकमा प्रतिबन्ध

डोपिङ प्रकरणमा कुनै देशमाथि गरिएको यो नै अहिलेसम्म सबैभन्दा ठूलो कारबाही हो । दक्षिण कोरियाको पेङचाङमा शीतकालीन ओलम्पिक सुरु हुन ६५ दिन बाँकी हुँदा रुसमाथि यो कारबाही भएको हो । आईसीसी अध्यक्ष थोमस बाचले रुसमाथि ओलम्पिक भावनामा चोट पुर्‍याएको हुँदा यस्तो कारबाही गर्नुपरेको दाबी गरे ।
वल्र्ड एन्टी डोपिङ एजेन्सी (वाडा) र आईओसीको आफ्नै छानबिनका क्रममा रुसले सरकारी प्रयोजनमै आफ्ना खेलाडीलाई प्रतिबन्धित औषधी प्रयोगका लागि कार्यक्रम चलाएको पाइएको थियो । सन् २०१४ मा सोचीमा भएको शीतकालीन ओलम्पिकका क्रममा रुसले डोपिङ कार्यक्रमलाई अझ अगाडि बढाएको थियो ।