थापाविरुद्ध मानहानि मुद्दा

थापा र प्रधानले अदालतमा विचाराधीन मुद्दा प्रभाव पार्ने काम गरेको भन्दै मुद्दा हालेको हो।
सहिद समारक 'ए' डिभिजन लिगमा गत वर्ष माघ १५ गते थ्री-स्टारविरुद्ध भएको खेलको घटनापछि प|mेन्ड्सका पदाधिकारीलाई गरिएको कारबाहीबारे परेको एन्फाविरुद्धको मुद्दा पाटन अदालतमा विचाराधीन अवस्थामा छ। तर, एन्फा अध्यक्ष थापाले 'अदालत जाने तिमीहरू को हौ? मलाई के गर्न सक्छौ? मुद्दा तुरुन्त झिक नत्र देखाइदिन्छु' भनेर धम्क्याएको दाबी गर्दै प|mेन्ड्सका उपाध्यक्ष दीपक थापा, अफिसियल विश्वासविक्रम शाह र टिम म्यानेजर अरविन्द सिंहले अदालतको अवहेलनामा कारबाही गरी पाउ“m भनी मुद्दा दर्ता गरेका हुन्।
अदालतको अवहेलना भएको प्रमाणित भएमा एन्फा अध्यक्ष थापा र महासचिव प्रधानलाई ५ हजार रुपैयाँसम्म जरिवाना वा ६ महिनासम्म कैद वा दुवै सजाय हुन सक्छ।
सरस्वतीमा दुई पक्ष
आन्दोलनरत चार क्लबले बनाएको क्लब समन्वय समितिका संयोजक शिक्षित पराजुली अध्यक्ष रहेको सरस्वती युवा क्लबका नौ पदाधिकारीले कुनै पनि समन्वय समितिमा आबद्ध नभएको बिहीबार एन्फालाई जानकारी दिएका छन्।
सचिव भुवन पराजुलीको अध्यक्षमा बसेको बैठकले यस वर्ष एन्फाले आयोजना गर्ने कुनै पनि प्रतियोगितामा सहभागी नगराउने गरी गरेको कारबाहीबारे ध्यानाकर्षण भएको जनाउँदै एन्फालाई पत्र पठाएको थियो। यसले सरस्वतीका पदाधिकारी दुई समूहमा विभाजित भएका छन्।

 

प्रकाशित : भाद्र १४, २०७१ १०:१३