धोनीद्वारा टेष्ट क्रिकेटबाट सन्यास घोषणा
भारतीय क्रिकेट कप्तान महेन्द्रसिंह धोनीले टेष्ट क्रिकेटबाट सन्यासको घोषणा गरेका छन् । मंगलबार अष्ट्रेलियाविरुद्धको टेष्ट क्रिकेट शृंखला बराबरी भएपछि ३३ वर्षीय धोनीले सन्यासको घोषणा गरेका हुन् ।
धोनीले २००५ मा भारतीय टेष्ट टोलीमा डेब्यू गरेका हुन् । उनले भारतीय टोलीमा रहेर खेलेको ९० टेष्टमध्ये ६० खेल उनकै नेतृत्वमा भएको थियो ।
धोनीले एक दिवसीय र टी२० क्रिकेट वल्र्डकप तयारीको लागि सन्यास घोषणा गरेको बताइएको छ ।
भारतीय क्रिकेट बोर्डले विज्ञप्ती जारी गर्दै धोनीलाई महान टेष्ट क्याप्टेन भनेको छ ।
धोनीको नेतृत्वमा भारतले २००७ मा टी२० वल्र्डकप जितेको अर्को बर्ष उनी टेष्ट क्याप्टेन बनाइएका थिए । उनको नेतृत्वमा
भारतले खेलेको सुरुवाति १३ टेष्टमध्ये एक मात्र हार व्यहोरेको थियो ।
अष्ट्रेलियाविरुद्धको अन्तिम टेष्टमा भारतीय टोलीको नेतृत्व विराट कोहलीले लिनेछन् ।
उनलाई फोब्र्स म्यागेजिनले विश्वको ५ औं धनी खेलाडीको सूचीमा राखेको छ ।
प्रकाशित : पुस १५, २०७१ १९:१५
प्रतिक्रिया