साफ च्याम्पियनसिप सेमिफाइनल आज

अफगानिस्तानले एसियाली फुटबल महासंघ (एएफसी) को सदस्यता दक्षिणबाट मध्यक्षेत्रमा सारिसकेको छ । त्यसमा उसले अब एसियाली महारथी इरान, उज्वेकिस्तान, किर्गिस्तान, ताजकिस्तान, तुर्कमेनिस्तानसँगै खेल्नेछ । त्यसैले अफगानिस्तानले अहिलेको साफलाई दक्षिण एसियाली फुटबलमा आफ्नो अन्तिम प्रतियोगिता भएको बताएको छ ।

दशरथ रंगशालामा दुई वर्षअघि भएको साफको फाइनलमा भारतलाई २–० ले हराएर अफगानिस्तानले पहिलो अन्तर्राष्ट्रिय उपाधि जितेको थियो । अहिले त्रिवेन्द्रम (केरला) स्थित ग्रिनफिल्ड स्टेडियममा पनि उसले प्रभावशाली प्रदर्शन गरिरहेको छ ।

समूह ‘बी’ विजेता बन्ने क्रममा उसले बंगलादेशलाई ४–०, भुटानलाई ३–० र माल्दिभ्सलाई ४–१ ले हराएर शतप्रतिशत जित निकालेको थियो ।