रूपन्देही उपाधि नजिक

कान्तिपुर संवाददाता

उदयपुर — रूपन्देही एघार मंगलबार गाईघाटमा जारी चौथो रमपम उदयपुर गोल्डकप फुटबलको फाइनल पुगेको छ । रूपन्देहीले बिहीबार हुने फाइनलमा मोरङसँगको भेट पक्का गरेको छ ।

मंगलबार दोस्रो सेमिफाइनलमा रूपन्देहीले हिमालयन शेर्पा क्लबलाई ३–२ ले हराउँदै फाइनल तय गरेको हो । थारुहट रंगशालामा झापालाई पराजित गरी रूपन्देही सेमिफाइनल भिड्न पुगेको थियो ।
खेलको २० औं मिनेटमा रूपन्देहीका अमर डंगोलले गोल गर्दै टिमलाई अग्रता दिलाएका थिए । ३७ औं मिनेटमा रूपन्देहीबाट दीपक राईले एक गोल थप्दै टिमलाई थप बलियो बनाए ।

अन्तिम समयमा हिमालयन शेर्पाले गोल फर्काएको थियो । ८३ औं मिनेटमा विश्वास श्रेष्ठले एक गोल फर्काए । तर ५ मिनेट थप समयको पहिलो मिनेटमै दीपक राईले व्यक्तिगत दोस्रो गोल गरेर रूपन्देहीलाई उपाधि नजिक पुर्‍याए । लगत्तै ९२ औं मिनेटमा हिमालयनका विदेशी खेलाडी एलेक्सले एक गोल गरे पनि रूपन्देहीको विजयलाई रोक्न सकेनन् ।

दुई गोल गरेका रुपन्देहीका दीपक राई म्यान अफ द म्याच घोषित भए । उनले ५ हजार पुरस्कार पाए । बुधबार स्थानीय कर्मचारी र पत्रकारविरुद्ध आयोजक र राजनीतिक दलबीच प्रतिस्पर्धा हुनेछ ।

प्रकाशित : फाल्गुन ४, २०७३ ०८:३६
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

छोटकरी

कान्तिपुर संवाददाता

ताप्लेजुङ — दोस्रो पाथीभरा राष्ट्रिय भलिबल प्रतियोगितामा त्रिभुवन आर्मी र नेपाल पुलिस क्लबले विजयी सुरुआत गरेका छन् । जिल्ला खेलकुद विकास समितिको आयोजनामा मंगलबार सुरु प्रतियोगिताको पहिलो खेलमा आर्मीले मध्यमाञ्चल र पुलिसले पूर्वाञ्चललाई सोझो सेटमा हराएका थिए ।

आर्मी र पुलिस विजयी

ताप्लेजुङ (कास)– आर्मीले २५–१०, २५–१७, २५–१० ले र पुलिसले २५–१८, २५–१३, २५–१४ ले नतिजा निकालेका थिए । तीन विभागीयसहित पूर्वाञ्चल, मध्यमाञ्चल र पश्चिमाञ्चल सहभागी छन् । विजेताले ३ लाख ३० हजार र उपविजेताले १ लाख ६५ हजार पुरस्कार पाउने छन् । 

पुन्निन्लाई सफलता
काठमाडौं (कास)– थाइल्यान्डकी पुन्निन् कोभापितुक्टेड नेपाल आईटीएफ जुनियर यु–१८ टेनिस च्याम्पियनसिपअन्तर्गत सर्किट–२ को महिला एकलमा मंगलबार दोस्रो चरण पुगेकी छन् । सातदोबाटोस्थित टेनिस कोर्टमा पुन्निन्ले जापानकी मिओ कोजाकीलाई ६–०, ६–१ को सोझो सेटमा हराइन् । भारतकी किरण कलकलले नेपालकी अभिलाषा विष्टलाई ६–१, ६–१, भारतकी गौरी भगताले नेपालकी इरा रावतलाई ६–१, ७–६ (१) र चीनकी मिङक्यु याङले भारतकी यशस्वनी पन्वारलाई ६–२, ६–२ को सेटमा हराए । पुरुष एकलमा नेपालका सम्यकभूषण वज्राचार्य भारतीय इशान सेठीसँग ६–०, ६–० ले पराजित भए । 

साइपालको जित
काठमाडौं (कास)– साइपाल एकेडेमी छैटौं एस कप ए लेभल अन्तरकलेज बास्केटबलको ब्वाइजतर्फ सेमिफाइनल पुगेको छ । साइपालले रुपिजलाई ४२–३५ ले पराजित गर्दै समूह उपविजेता बन्यो । निश्चल गुरुङले १४ स्कोर गरे । सेमिफाइनल पुगिसकेको आयोजक एसले काष्ठमण्डपलाई ३६–३४ को साँघुरो अन्तरले हरायो । एसका नियोन शेरचनले १८ स्कोर गरे ।


सौर्य कप बास्केटबल
काठमाडांै (कास)– सौर्य सेकेन्डरी स्कुलको आयोजनामा प्रथम सौर्य कप अन्तरविद्यालय बास्केटबल बुधबार सुरु हुने भएको छ । प्रतियोगितामा ब्वाइजतर्फ १२ र गल्र्समा ४ टिमको सहभागिता रहने जनाइएको छ । ब्वाइजको खेल लिग कम नकआउटका आधारमा र गल्सको खेल राउन्ड रोबिनमा हुनेछ ।

प्रकाशित : फाल्गुन ४, २०७३ ०८:३५
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT