सटलटाइमका लागि अस्ट्रेलियातर्फ

कान्तिपुर संवाददाता

काठमाडौं — सटलटाइम कार्यक्रमअन्तर्गत १० सदस्यीय नेपाली ब्याडमिन्टन टोली शुक्रबार अस्ट्रेलिया जाँदै छ । सटलटाइम कनेक्ट प्रोग्रामका लागि विभिन्न विद्यालयका ७ युथ खेलाडीसहितको नेपाली टिम अस्ट्रेलिया जान लागेको हो ।

सटलटाइम एउटा अन्तर्राष्ट्रिय विद्यालय ब्याडमिन्टन कार्यक्रम हो । अन्तर्राष्ट्रिय गैरसरकारी संस्था स्पोर्ट्स म्याटरसँग मिलेर विश्व ब्याडमिन्टन संघले १ सय ८ देशमा यो कार्यक्रम चलाइरहेको छ । अस्ट्रेलियन ब्याडमिन्टनले नेपालमा एउटा नवीन कार्यक्रमको रुपमा यसलाई ल्याएको हो ।

जसअनुसार नेपालका सात विद्यालयका खेलाडीले अस्ट्रेलियाका विभिन्न सात विद्यालयमा गएर ब्याडमिन्टनसहित संस्कृति, शिक्षालगायतका कार्यक्रम आदानप्रदान गर्नेछन् । नेपालबाट वागेश्वरी स्कुलकी विजया माका, बासुकी प्रसिद्धि अगान्जा, जनसेवाकी रश्मी महर्जन, रत्नराज्यका सुजन खाका, कालिकाशरणकी शैली शाह, सीतारामका अम्बरबहादुर मगर र बाल विकासकी युनिका निरौला छन् ।
कार्यक्रमका नेपाल संयोजक दीपक थापाको नेतृत्वमा अस्ट्रेलिया जाने टोलीमा शिक्षक मनोज आचार्यसहित निजी खर्चमा ब्याडमिन्टन टोलीका पदाधिकारी र खेलाडीका अभिभावक पनि छन् ।

काठमाडौं र भक्तपुरका ४० विद्यालयका २ सय विद्यार्थीबाट ७ खेलाडी छनोट गरिएको संयोजक थापाले बताए । उनका अनुसार कार्यक्रमको निर्देशनबमोजिम अधिकांश सरकारी विद्यालयबाट खेलाडी छनोट गरिएको हो ।

प्रकाशित : जेष्ठ ५, २०७४ ०९:०८
प्रतिक्रिया
पठाउनुहोस्
ADVERTISEMENT

हुन्डी कारोबारीबाट ५५ लाख बरामद

कान्तिपुर संवाददाता

जनकपुर — हुन्डी कारोबारमा संलग्न रहेको आरोपमा जिल्ला प्रहरी कार्यालय धनुषाले बुधबार पक्राउ गरेका ५ व्यक्तिलाई बिहीबार सार्वजनिक गरेको छ । प्रहरीले उनीहरूबाट ५५ लाख रुपैयाँ, ल्यापटप तथा डायरीलगायतका सामान बरामद गरिएको जनाएको छ ।


धनुषाका नायब प्रहरी उपरीक्षक मनोजकुमार यादवका अनुसार जनकपुर उपमहानगर पालिकाको राष्ट्रिय वाणिज्य बैंक रहेको भवनको भुइँतलास्थित गल्लीबाट उनीहरूलाई पक्राउ गरिएको हो । पक्राउ पर्नेमा रघुनाथपुर ४ का ३७ वर्षीय महादेव राउत, एकरहिया १ का २० वर्षीय अरुण दास, रघुनाथपुर ४ घर भई हाल क्षिरेश्वरनाथ नगरपालिकामा बस्दै आएका ३४ वर्षीय विष्णुदेव राउत, सवैला नगरपालिका २ का ४० वर्षीय विन्देश्वर राउत र रघुनाथपुर ४ का २० वर्षीय रोशनकुमार महरा छन् ।

प्रकाशित : जेष्ठ ५, २०७४ ०९:०८
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT