विद्यालयमा बक्सरको खोजी

कान्तिपुर संवाददाता

काठमाडौं — नेपाल बक्सिङ संघले विद्यालय क्षेत्रबाट प्रतिभावान खेलाडी उत्पादन गर्ने उद्देश्यले विद्यालय बक्सिङ सुरु गरेको छ । आइतबार ललितपुरमा एक कार्यक्रमको आयोजना गर्दै संघले विभिन्न विद्यालयसँग अन्तक्र्रिया गर्‍यो । संघको बक्सिङ इन स्कुलअन्तर्गत १० देखि १६ वर्षसम्मका बालबालिकामा बक्सिङ खेल सुरु गरिने भएको छ ।

संघले पहिलो चरणमा कुल १७ विद्यालयमा बक्सिङ खेल सुरु गर्ने जनाएको छ । त्यसका लागि संघले प्राविधिक सहयोगका रूपमा प्रशिक्षक उपलब्ध गराउनेछ ।

यसअघि कुल ४६ विद्यालयमा गरिएको अन्तक्र्रियाबाट १७ विद्यालयले बक्सिङ खेल सुरु गर्नका लागि समयसहित प्रतिबद्धता जनाएका छन् । बक्सिङको अन्तर्राष्ट्रिय निकाय एएसबीसीको सहयोगमा नेपाल आएका काजकिस्तानी प्रशिक्षक मुख्तर बर्डिम्बेतोभले विद्यालय टुयालेन्ट हन्टका रूपमा निरीक्षण गर्नेछन् । केही विद्यालयमा विदेशी प्रशिक्षकले प्रशिक्षणसमेत गर्ने संघका अध्यक्ष राम अवाले बताए ।

प्रकाशित : असार ५, २०७४ ०९:४२
ADVERTISEMENT
प्रतिक्रिया
पठाउनुहोस्
ADVERTISEMENT

खेलकुद अस्पतालको शिलान्यास

कान्तिपुर संवाददाता

काठमाडौं — राष्ट्रिय खेलकुद परिषद्ले निर्माण गर्ने खेलकुद अस्पतालको आइतबार एक कार्यक्रमबीच शिलान्यास गरिएको छ । निवर्तमान युवा तथा खेलकुद मन्त्री दलजित विके श्रीपाली, राष्ट्रिय खेलकुद परिषद् (राखेप) का उपाध्यक्ष लामा टेन्डी शेर्पा र राखेपका सदस्य सचिव केशवकुमार विष्टले अस्पतालको संयुक्त शिलान्यास गरे ।

राष्ट्रिय खेलकुद परिषद्ले निर्माण गर्ने खेलकुद अस्पतालको आइतबार एक कार्यक्रमबीच शिलान्यास गरिएको छ ।

निवर्तमान युवा तथा खेलकुद मन्त्री दलजित विके श्रीपाली, राष्ट्रिय खेलकुद परिषद् (राखेप) का उपाध्यक्ष लामा टेन्डी शेर्पा र राखेपका सदस्य सचिव केशवकुमार विष्टले अस्पतालको संयुक्त शिलान्यास गरे ।

गत जेठ २० गते श्रीपालीको अध्यक्षतामा बसेको राखेपको १ सय ८ औं बोर्ड बैठकले खेलकुद अस्पताल निर्माण गर्ने निर्णय गरेको थियो । त्रिपुरेश्वरस्थित राखेप हातामा रहेको लनटेनिसको पूर्वाधार रहेको छेउमा अस्पताल निर्माण गर्न लागिएको हो । तीन तलाको अस्पताल इमर्जेन्सीबाहेक १० शय्याको हुनेछ । करिब १४ करोड खर्च हुने अनुमान गरिएको अस्पतालका लागि आर्थिक वर्षमा पनि बजेटको व्यवस्था भइसकेको छ । तीन वर्षमा निर्माण पूरा गर्ने लक्ष्य रहेको छ ।

प्रकाशित : असार ५, २०७४ ०९:४२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT