खेलकुद अस्पतालको शिलान्यास

कान्तिपुर संवाददाता

काठमाडौं — राष्ट्रिय खेलकुद परिषद्ले निर्माण गर्ने खेलकुद अस्पतालको आइतबार एक कार्यक्रमबीच शिलान्यास गरिएको छ । निवर्तमान युवा तथा खेलकुद मन्त्री दलजित विके श्रीपाली, राष्ट्रिय खेलकुद परिषद् (राखेप) का उपाध्यक्ष लामा टेन्डी शेर्पा र राखेपका सदस्य सचिव केशवकुमार विष्टले अस्पतालको संयुक्त शिलान्यास गरे ।

राष्ट्रिय खेलकुद परिषद्ले निर्माण गर्ने खेलकुद अस्पतालको आइतबार एक कार्यक्रमबीच शिलान्यास गरिएको छ ।

निवर्तमान युवा तथा खेलकुद मन्त्री दलजित विके श्रीपाली, राष्ट्रिय खेलकुद परिषद् (राखेप) का उपाध्यक्ष लामा टेन्डी शेर्पा र राखेपका सदस्य सचिव केशवकुमार विष्टले अस्पतालको संयुक्त शिलान्यास गरे ।

गत जेठ २० गते श्रीपालीको अध्यक्षतामा बसेको राखेपको १ सय ८ औं बोर्ड बैठकले खेलकुद अस्पताल निर्माण गर्ने निर्णय गरेको थियो । त्रिपुरेश्वरस्थित राखेप हातामा रहेको लनटेनिसको पूर्वाधार रहेको छेउमा अस्पताल निर्माण गर्न लागिएको हो । तीन तलाको अस्पताल इमर्जेन्सीबाहेक १० शय्याको हुनेछ । करिब १४ करोड खर्च हुने अनुमान गरिएको अस्पतालका लागि आर्थिक वर्षमा पनि बजेटको व्यवस्था भइसकेको छ । तीन वर्षमा निर्माण पूरा गर्ने लक्ष्य रहेको छ ।

प्रकाशित : असार ५, २०७४ ०९:३६
ADVERTISEMENT
ADVERTISEMENT
प्रतिक्रिया
पठाउनुहोस्

कतारस्थित दूतावास भन्छ– 'नेपाली कामदारमा अनेक कमजोरी'

कान्तिपुर संवाददाता

काठमाडौं — कतारस्थित नेपाली दूतावासले रोजगारीका लागि कतार पुग्ने नेपाली कामदारमा कमजोरी नै कमजोरी रहेको औंल्याएको छ । दूतावासले ‘नेपाली कामदारको सुरक्षा र हकहित संरक्षण : कानुनी तथा व्यावहारिक पक्षहरू’ विषयक विचार मन्थन गरी कामदारका समस्या र कमजोरी औंल्याएको हो ।


दूतावासका अनुसार कामदारहरू महिनौंसम्म काममा नगई बस्ने, ड्युटीमा नगई आफ्नै सुरले कोठा या साथीभाइको कोठामा गएर बस्ने, नाराजुलुस, हडताल गर्ने, पक्ष–विपक्षमा लाग्ने, तोडफोड गर्ने, समस्या आएपछि काम नछाडी रिपोर्ट गर्नुपर्नेमा सो नगर्ने, लामो समयपछि काम बिगारेर वा विवादले चर्को रूप लिएपछि मात्रै दूतावास आउने गर्छन् ।
त्यस्तै, आवश्यक कागजात साथमा नराख्ने, राखे पनि जतन नगर्ने, धैर्य नराख्ने, आवेगमा अनावश्यक क्रिया–प्रतिक्रिया गर्ने, २–३ महिना तलब रोकिनासाथ नेपाल फर्कन राजी हुने, मादक पदार्थ सेवन गरी अनावश्यक होहल्ला गर्ने र आधारभूत ज्ञान, सीप, नियम, कानुन र प्रावधानको जानकारी नराख्नेजस्ता कमजोरी दूतावासले औंल्याएको छ । कामदारका समस्या समाधानमा पहल गर्दै आएको पनि दूतावासले जानकारी दिएको छ ।
दूतावासले पीडितलाई श्रम विभागमा पठाउने, जटिल समस्यामा खोज अनुसन्धान तथा अनुगमन विभाग (सीआईडी) र कम्पनी छाडी घर जानेलाई ‘एक्जिट कमिटी’ मा पठाउने, बिमाका लागि कानुनी प्रक्रिया पूरा गराउने, रोजगारदाता र म्यानपावरसँग समन्वय गर्नेलगायत सहयोग गर्दै आएको जनाएको छ ।
दूतावासका अनुसार कतारी कम्पनीहरूले तलबसुबिधा नदिने, ‘खु्रज नदिने, लामो समय कतारी आईडी नलगाइदिने, अति जरुरी परेकालाई समेत घर जान नदिने, सवारी दुर्घटनामा कामदारको तलबबाट रकम कट्टी गर्ने, झूटो मुद्दा दायर गर्ने, राहदानी/आईडी/बैंक कार्ड, सवारीचालक अनुमतिपत्र कब्जामा लिनेजस्ता नेपाली कामदारका प्रमुख समस्या छन् ।
कार्यक्रममा कतारका लागि नेपाली राजदूत रमेशप्रसाद कोइरालाले नेपाली कामदारका समस्या शीघ्र समाधानका लागि नेपाली दूतावास र कतारको श्रम मन्त्रालयका प्रतिनिधिबीच निरन्तर सम्पर्क एवं अन्य कार्य गर्ने गरी छुट्टै संयन्त्र निर्माण गर्ने व्यवस्थासमेत मिलाइएको बताए ।

प्रकाशित : असार ५, २०७४ ०९:३६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT