अझै जीवन्त रोनी

फिल म्याकनल्टी

लन्डन — वायन रोनीले सन् २००४ को अगस्टमा म्यानचेस्टर युनाइटेडका लागि एभरटन छाडेका थिए, २ करोड ७० लाख पाउन्ड मूल्यमा । त्यति बेला एभरटनको आत्मविश्वास कमजोर थियो ।

आर्थिक रूपमा क्लब आफैं संकटमा पनि थियो । त्यति बेला रोनी १८ वर्षका थिए । उनले म्यानचेस्टरमा सफलत्तम वर्ष बिताए । उनले सर बबी चाल्र्टनको नाममा रहेको क्लबका लागि सर्वाधिकको कीर्तिमान तोडे, २ सय ५३ गोलसहित । 

पाँचपल्ट इङलिस प्रिमियर लिग जिते । एक–एक पटक च्याम्पियन्स लिग, युरोपा लिगा, एफए कप जिते । अनि तीनपल्ट लिग कप । अहिले फेरि उनी एभरटन नै फर्केका छन् । यति बेला उनी फरक खेलाडी हुन्, समग्रमा फरक मान्छे नै । सबैभन्दा ठूलो १३ वर्षअगाडि उनले छाडेको एभरटन जस्तो थियो, अहिले त्यस क्लबमा पनि धेरै फरक आइसकेको छ । अहिले निकै महत्त्वाकांक्षी फरहाद मोसिरी एभरटनको सबैभन्दा ठूलो लगानीकर्ता हुन् । 

Yamaha

रोनी आउनु अगाडि एभरटनले पाँच नयाँ खेलाडीका लागि ९ करोड पाउन्ड खर्च गरिसकेको छ । अझै खर्च गर्ने योजना पनि छ । अहिले टिम यस्तो छ कि उसले लिगमा शीर्ष चारमा कब्जा बनाउने उद्देश्य मज्जाले बनाउन सक्छ । त्यस टिममा ३१ वर्षीय रोनीको भूमिका भने के होला त ? एभरटनको भाग्यले त्यति बेला कोल्टे फेरेको थियो, जति बेला इरानी मूलका बेलायती व्यवसायी मोसिरीले आर्सनलमा आफ्नो १५ प्रतिशत सेयर बेचे । 

त्यसयता उनले सन् २०१६ को फेब्रुअरीमा एभरटनको ४९.९ प्रतिशत सेयर किनेका थिए । उनी एभरटनप्रति कति महत्त्वाकांक्षी छन् भन्ने उदाहरण क्लबमा आएको तीन महिनामै देखियो । त्यति बेला एभरटन लिगको १२ औं स्थानमा थियो र तत्कालीन व्यवस्थापक रोबर्टो मार्टिनेज पनि बर्खास्तीमा परेका थिए । मोसिरीले आफ्ना खेलाडीबाट तत्काल माग गरेका थिए, राम्रो र उत्कृष्ट प्रदर्शन । व्यवस्थापकका रूपमा उनको पहिलो रोजाइ रोनाल्ड कोमन थिए । 

साउथह्याम्पटनबाट उनलाई ल्याउन मोसिरी सफल भइहाले । कोमनलाई उनले पर्याप्त आर्थिक लगानी र उत्तिकै राम्रो पुरस्कारको वाचा पनि गरेका थिए । गत वर्ष ट्रान्सफर मार्केट एभरटनका लागि खासै उत्साहवद्र्धक रहेन, एस्ली विलियम्स, युनिक बोलासी र इद्रिस गुये आए पनि । अपेक्षाअनुसार बेल्जियमका अन्तर्राष्ट्रिय स्ट्राइकर रोमेलु लुकाकुले ७ करोड ५० लाख पाउन्डमा बेच्दा पनि एभरटनलाई खासै ठूलो प्रभाव पार्ने छैन । किनभने अब एरभटनसँग उनको पनि विकल्प तयार छ । 

अब रोनी पनि एभरटन फर्किनुको अर्थ हो, क्लबको वास्तविक पुनर्जागरण । रोनीका पनि आफ्नै धेरै अधुरा काम छन्, एभरटनका लागि पूरा गर्नुपर्ने । एभरटन रोनीको बाल्यकालको क्लब हो । उनलाई सबैभन्दा मनपर्ने । 

म्यानचेस्टर छँदा पनि एभरटनप्रतिको उनको प्रेम कहिल्यै मरेको थिएन । पक्कै म्यानचेस्टरबाट उनको बिदाइमा धेरै हल्लाखल्ला भएन । न त त्यो सनसनीपूर्ण रह्यो । तर उनको खेल क्षमताबाट अझै प्रश्न गर्ने समय आएको छैन । रोनी अझै जीवन्त छन् । 

Esewa Pasal

प्रकाशित : असार २७, २०७४ ०९:४८
ADVERTISEMENT
प्रतिक्रिया
पठाउनुहोस्
ADVERTISEMENT

पाकिस्तानी क्रेजमा गिग्स दंग

एपी

इस्लामाबाद — म्यानचेस्टर युनाइटेडका पूर्वस्टार रायन गिग्स पाकिस्तानी युवापुस्ताको फुटबल क्रेज देखेर दंग परेका छन् । पाकिस्तानमा गिग्स र रोनाल्डिन्होसहित ७ विश्व स्टारले यसै सप्ताहन्त पाकिस्तानमा दुई खेलको प्रदर्शनी शृंखलामा भाग लिएका हुन् ।

‘खास पुस्ताका लागि यहाँ फुटबल निकै आकर्षक देखियो,’ गिग्सले भने । हजारौं फुटबलप्रेमीले कराँची र लाहोरमा खेलिएका दुई सेभेन ए साइड म्याच हेरेका थिए । उक्त खेलहरू पाकिस्तानी टेलिभिजनहरूले प्रत्यक्ष प्रसारणसमेत गरे । दुवै खेलमा रोनाल्डिोन्हो सेभेनले गिग्स सेभेनलाई हरायो । ब्राजिली टिमले आइतबार लाहोरमा २–० को विजय पाएको हो । प्रदर्शनी खेलमा भाग लिनेमा डचम्यान जर्ज बोटाङ, पूर्व फ्रान्सेली स्टार रोबर्ट पिरेज र निकोलस एनेल्का, पूर्व इङलिस गोलरक्षक डेविड जेम्स र पोर्चुगाली लुइस वोआ मोर्टे थिए ।

वल्र्ड गु्रप नामक एक निजी कम्पनीले उक्त भ्रमण खेल आयोजना गरेको हो । यसको उद्देश्य विश्व वरीयतामा २ सयौं स्थानमा रहेको पाकिस्तानमा फुटबल प्रवद्र्धन गर्नु थियो ।

पाकिस्तानमा फुटबल पूर्वाधारको बिजोग छ । शनिबार रातिको पहिलो खेल कराँचीको एक हक्की स्टेडियममा खेलाइएको थियो । गिग्सले पूर्वाधारमै प्रश्न उठाए । ‘मलाई लाग्छ पाकिस्तानी फुटबल सुधार्न सबैभन्दा पहिला पूर्वाधार अनि राम्रो प्रशिक्षक चाहिन्छ,’ उनले भने ।

लाहोरमा सन् २००९ मा भ्रमणकारी श्रीलंकाली क्रिकेट टिममाथि आक्रमणको घटनाले पाकिस्तान विदेशी खेल टिमहरूका लागि सदैव शंकाको घेरामा रहँदै आएको छ । त्यसयता मात्रै जिम्बावेको क्रिकेट टोलीले पाकिस्तान भ्रमण गरेको थियो ।

सात अन्तर्राष्ट्रिय फुटबलरका लागि पाकिस्तानी सेनाले विशेष सुरक्षा दिएको थियो । ‘हामी पाकिस्तान सुरक्षित देश हो भनेर सन्देश दिन चाहन्छौं,’ गिग्सले भने ।

दोस्रो खेलपछि रोनाल्डिन्होले ट्वीटरमा ट्रफीसहितको फोटो हालेर एक मिनेटको भिडियोसमेत पोस्ट गरे । सन्देशमा उनले पाकिस्तानलाई धन्यवाद भनेका छन् ।

प्रकाशित : असार २७, २०७४ ०९:३९
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT