धवनको आक्रामक शतक

पालेकेले (एएफपी) — शिखर धवनले भारतका लागि शनिबार श्रीलंकाविरुद्धको तेस्रो टेस्टको पहिलो दिन आक्रामक शतक बनाएका छन् । खेलको अन्त्यतिर श्रीलंकाली स्पिनरले पाँच भारतीय ब्याट्सम्यानलाई आफ्नो शिकार बनाए र खेल रोमाञ्चक मोडमा रह्यो ।

मलिन्डा पुष्पकुमाराले तीन विकेट लिए भने लकसन सान्डकानले दुई विकेट आफ्नो नाममा लेखाए । दिनको खेल समाप्त हुँदा भारत छ विकेट गुमाएर ३ सय २९ रनको स्थितिमा छ । पुष्पकुमाराले भारतीय माथिल्लो क्रमलाई आफ्नो बायाँ हाते स्पिन आक्रमणको मदतले दबाबमा राखे । उनले धवन र लोकेश राहुलबीच १ सय ८८ रनको साझेदारीमा पनि पूर्ण विराम लगाए ।

शिखरले १ स २३ बलमा १ सय १९ रन बनाए । बायाँ हाते रिस्ट स्पिनर सन्डकनले भारतीय कप्तान विराट कोहलीको बहुमूल्य विकेट लिए । कोहलीले ४२ रन बनाए । धवन र राहुल पहिलो सेसनमा श्रीलंकाली बलिङ आक्रमणमाथि हाबी रहे । राहुलले ८५ रन बनाए ।

प्रकाशित : श्रावण २८, २०७४ २०:१६
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

तत्काल उद्धार थाल्न प्रधानमन्त्रीको निर्देशन

कान्तिपुर संवाददाता

काठमाडौं — प्रधानमन्त्री शेरबहादुर देउवाले बाढीपहिरोबाट प्रभावित नागरिकलाई तत्काल सुरक्षित स्थानमा स्थानान्तरण गरी राहत उपलब्ध गराउन सम्बन्धित प्रमुख जिल्ला अधिकारीलाई निर्देशन दिएका छन् ।

शुक्रबार रातिदेखिको अविरल वर्षाका कारण आएको बाढीले तराईका विभिन्न जिल्लामा दुई दर्जन बढीको ज्यान गएको छ । प्रधानमन्त्री देउवाले शनिबार बिहानै बाढीपहिरोबाट प्रभावित जिल्लाका प्रजिअलाई सम्पर्क गरी विपतको चपेटामा परेका नागरिकको उद्धार, राहत, सुरक्षित स्थानमा स्थानान्तरण तथा घाइतेको उपचार व्यवस्था मिलाउने कार्य तत्काल थाल्न निर्देशन दिएको प्रधानमन्त्री कार्यालयले जनाएको छ ।

प्रधानमन्त्रीले बाढीपहिरोमा परी ज्यान गुमाएकाहरूप्रति श्रद्धाञ्जली दिँदै पीडित परिवारप्रति समवेदना प्रकट गरेका छन् । उनले विपतको घडीमा एकढिक्का हुन पनि सम्पूर्ण देशवासीलाई आग्रह गरेका छन् ।

प्रकाशित : श्रावण २८, २०७४ २०:१६
पूरा पढ्नुहोस्
प्रतिक्रिया
पठाउनुहोस्
ADVERTISEMENT