गोलकिपर किरण लिम्बु ‘वर्ष खेलाडी’
काठमाडौं — नेपाली राष्ट्रिय टोलीका गोलकिपर किरणकुमार लिम्बु वर्ष खेलाडी घोषित भएका छन् । नेपाल खेलकुद पत्रकार मञ्चले स्थापना गरेको पल्सर स्पोर्टस् अवार्डमा उनलाई वर्ष खेलाडी अवार्ड दिइएको हो ।
उनी समावेश भएको राष्ट्रिय टोलीले एएफसी सोलिड्यारिटी कम जितेको थियो । उनले सेमीफाइनलमा लाओससँग तीन पेनाल्टी रोकेका थिए । उनले एएफसी एसियन कप छनोटमा फिलिपिन्ससँग पनि एक पेनाल्टी बचाउ गरेका थिए ।
उनी हाल माल्दिभ्सको प्रिमियर लिग क्लब टीसी स्पोर्ट्मा अनुबन्धित छन् ।
बंगलादेशमा भएको शेख कमल अन्तर्राष्ट्रिय क्लब कपमा टीसी स्पोर्ट्सलाई च्याम्पियन बनाउन किरण लिम्बुले महत्वपूर्ण योगदान दिएका थिए ।
लिम्बु हाल माल्दिभ्समा रहेकाले उनकी आमाले अवार्ड लिएकी थिइन् ।
प्रकाशित : भाद्र २६, २०७४ १७:५८
प्रतिक्रिया