बार्सिलोनासँगै ठूला क्लबका विजयी सुरुआत

एएफपी

पेरिस — लियोनल मेसीले दुई गोल गरेपछि बार्सिलोनाले युरोपेली च्याम्यिन्स लिगमा युभेन्ट्सलाई मंगलबार राति सजिलै ३–० ले हराएको छ । बार्सिलोनासँगै प्रतियोगिताको पहिलो दिन अरु ठूला क्लब पेरिस सेन्ट जर्मेन (पीएसजी), म्यानचेस्टर युनाइटेड र चेल्सीले पनि विजयी सुरुआत लिएका छन् ।

गत संस्करणको उप विजेता युभेन्ट्सविरुद्ध समूह ‘डी’ को खेलमा बार्सिलोनालाई कठिनाइ हुने अनुमान गरिएपनि मेसीको उत्कृष्ट प्रदर्शनका कारण बार्सिलोना सहज जित आत्मसात् गर्न सफल रहेको हो । पछिल्ला सिजन बार्सिलोना युभेन्ट्सकै हातबाट क्वाटरफाइनलमा पराजित भएको हो ।अहिले बार्सिलोनाले त्यसको बदला पनि लिएको छ ।

यसै समूहको अर्को खेलमा स्पोर्टिङ लिस्वनले ओलम्पियाकोजलाई ३–२ ले हरायो । नेयमारको पीएसजीले भने समूह ‘बी’ मा सेल्टिकमाथि ५० को जित निकाल्यो । त्यसै समूहमा बायर्न म्युनिखले एन्डरलेटलाई ३-० ले पन्छायो ।

यस्तै समूह ‘ए’ मा म्यानचेस्टर युनाइटेडले बासेललाई ३-० र सीएसकेए मस्कोले बेनफिकालाई २-१ ले हरायो । समूह ‘सी’ मा चेल्सीले कोराबागलाई ६-० ले पराजित गर्न सफल रह्यो भने एएस रोमा र एटलेटिको म्याड्रिडले गोलरहित बराबरी खेले ।

प्रकाशित : भाद्र २८, २०७४ ०७:२१
प्रतिक्रिया
पठाउनुहोस्

फुटसलको प्रारम्भिक छनोट

कान्तिपुर संवाददाता

काठमाडौं — अखिल नेपाल फुटबल संघ (एन्फा) को फुटसल समितिले राष्ट्रिय फुटसल टोलीको प्रारम्भिक छनोटमा पर्ने २७ खेलाडीको नाम सार्वजनिक गरेको छ ।

तीन सदस्यीय समितिले आइतबार सम्पन्न रेडबुल राष्ट्रिय फुटसल लिगको प्रदर्शनका आधारमा खेलाडी छनोट गरेको हो । समितिमा राष्ट्रिय फुटसल प्रशिक्षक राकेश श्रेष्ठसहित सहायक प्रशिक्षकद्वय विष्णु गुरुङ र राजेश शाही छन् ।

१६ टोलीसम्मिलित लिग १० दिन चलेको थियो । सेमिफाइनलमा पुगेको सामाखुसी फुटसलबाट सर्वाधिक ६ र च्याम्पियन शंखमूलबाट ५ खेलाडी छनोट भएका छन् । फाइनलिस्ट एक्सटेप किकअफका ३ खेलाडी पनि छनोट भए । नेपालले असोज अन्तिम सातामा हुने एएफसी फुटसल च्याम्पियनसिपको छनोटमा सहभागिता जनाउँदै छ । छनोट प्रतियोगितामा नेपालको समूहमा उज्वेकिस्तान, तुर्कमेनिस्तान र किर्गिस्तान छन् । समूह विजेता र उपविजेताले सन् २०१८ को फेबु्रअरीमा हुने एएफसी फुटसल च्याम्पियनसिपमा सहभागिता जनाउने छन् । उज्वेकिस्तान गत संस्करणको उपविजेता हो ।
छनोट खेलाडी बुधबारबाट प्रशिक्षण क्याम्पमा रहने छन् । उनीहरूलाई दैनिक दुईपल्ट प्रशिक्षण दिइने छ ।

प्रारम्भिक टोली : सुरज राउत, सन्जोग चाम्लिङ राई, निर्मल गुरुङ, अभय राणा, अनिश श्रेष्ठ (शंखमूल फुटसल), मणि लामा, राज शाही, राजेश कुँवर (एक्सटेप किकअफ), विनोद गुरुङ, हरि गुरुङ, सन्तोष तामाङ, नवीन लामा, सौरभ थापा मगर, एलेन गुरुङ (सामाखुसी), सुसन श्रेष्ठ (स्तुपा फुटसल), अरुज सिंह (हरिसिद्धि), आदिल हमिद, सुमित आले (ढुकु), विजय श्रेष्ठ (स्वयम्भू), सविन खड्का (बिजी ब्रदर्स), सुरज भुजेल (खालीबारी), सन्जोग महर्जन, नेत्रबहादुर श्रेष्ठ (चौर), लक्ष्मण थापामगर (रजनी), अमित तामाङ, आशिष लामा (बिजी), नितेश महर्जन (धन्यन्तरी) ।

प्रकाशित : भाद्र २८, २०७४ ०७:२१
पूरा पढ्नुहोस्
प्रतिक्रिया
पठाउनुहोस्