सिटीको सानदार सुरुआत, लिभरपुल रोकियो

कान्तिपुर संवाददाता

लिभरपुल — खेलमा पछाडि परेर पुनरागमन गरे पनि अग्रता बचाउन नसक्दा च्याम्पियन्स लिगको पहिलो खेलमा लिभरपुलले सेभियासँग २-२ को बराबरी खेलेको छ ।

समूह 'इ' अन्तर्गतको पहिलो खेलको पाँचौ मिनेटमा विसम बेन येदरले पाहुना टोलीलाई अग्रता दिलाए पनि २१औं मिनेटमा रोबर्टो फिर्मिनोले खेललाई बराबरीमा ल्याए । पहिलो हाफको आठ मिनेट बाँकी हुँदा मोहमद सलाहले गोल गर्दै लिभरपुललाई अग्रता दिलाए । त्यसको पाँच मिनेटपछि लिभरपुलले अग्रता दोब्बर पार्ने सुनौलो अवसर गुमायो । फरवार्ड साडियो मानेलाई पेनाल्टी क्षेत्रभित्र फाउल गरेपछि पाएको पेनाल्टीलाई फिर्मिनोले पोस्टमा हाने । दोस्रो हाफको ७२औं मिनेटमा सेभियाका होआकिन कोर्रियाले गोल गर्दै खेललाई बराबरीमा ल्याए । थप गोल हुन नसक्दा दुवै टोलीले १/१ अंक बाँडे ।

समूहको अर्को खेलमा पनि रसियाली टोली स्पार्टाक मस्को र मारिबोरले १-१ को बराबरी खेले । 

यसै गरी समूह 'एफ'मा अर्को इङ्लिस टोली म्यानचेस्टर सिटीले भने सहज जित हात पार्‍यो। उसले डच टोली फेयेनुर्डलाई ४-० ले पराजित गर्‍यो । सिटीको जितमा डिफेन्डर जोन स्टोन्सले दुई गोल गरे भने फरवार्डद्वय सर्जियो अगुएरो र ग्याब्रिएल् जेससले १/१ गोल थपे । त्यसै समूहमा शाख्तार डोनेस्कले इटालियन टोली नेपालीलाई २-१ ले पराजित गर्‍यो ।

समूह 'जी'को खेलमा बेसिक्टासले एफसी पोर्टोलाई ३-१ ले पराजित गर्‍यो । अर्को खेलमा आरबी लेप्जिग र मोनाकोले १-१ को बराबरी खेले । 

प्रकाशित : भाद्र २९, २०७४ ०७:३३
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

रियलको जितमा रोनाल्डो नायक, केन पनि चम्किए

कान्तिपुर संवाददाता

म्याड्रिड — फरवार्ड क्रिस्टियानो रोनाल्डोको दुई गोल गरेपछि डिफेन्डिङ च्याम्पियन रियल म्याड्रिडले च्याम्पियन्स लिगमा सुखद् सुरुआत गरेको छ ।

रियलले बुधबार साइप्रसको च्याम्पियन एपोएल निकोसियालाई ३-० ले हरायो । घरेलु लिगमा निलम्बनका कारण विश्राममा रहेका रोनाल्डोले खेलको १२ औं मिनेटमा घरेलु टोलीलाई अग्रता दिलाए । दोस्रो हाफको सुरुआतमा एपोएलका डिफेन्डरले ह्यान्डबल गरेपछि रियलले पेनाल्टी पायो । पेनाल्टीमा रोनाल्डोले कुनै गल्ती गरेनन् । कप्तान सर्जियो रामोसले तेस्रो गोल गर्दै रियलको जित पक्का गरे ।

यसै गरी समूहको अर्को खेलमा इङलिस टोली टोटेनहम हट्स्परले बोरुसिया डर्टमुण्डलाई ३-१ ले पराजित गर्‍यो । वेम्बली मैदानमा भएको खेलमा जर्मन टोली खेलको चौथो मिनेटमै पछाडि पर्‍यो । दक्षिण कोरियाका फरवार्ड ह्युङ मिन सनले स्पर्सलाई अग्रता दिलाए ।

तर, यसै सिजन क्लबमा भित्रिएका यार्मालेन्कोले गोल गर्दै डर्टमुण्डलाई बराबरीमा ल्याए । त्यसको केही मिनेटमै इङ्ल्यान्डका फरवार्ड ह्यारी केनले उत्कृष्ट गोल गर्दै घरेलु टोलीलाई पुन: अगाडि बढाउन सफल रहे । दोस्रो हाफमा केनले अर्को गोल थपेपछि टोटेनहमले ३ अंक हात पार्‍यो।

प्रकाशित : भाद्र २९, २०७४ ०७:३३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT