काठमाडौं — एएफसी यू-१६ च्याम्पियनसिपको छनोट चरण अन्तर्गत समूह 'डी'को दोस्रो खेलमा नेपाल र भारतको खेल बराबरीमा सकिएको छ । पहिलो हाफ गोलरहित रहेकोमा दोस्रो हाफमा दुवै टोलीले २/२ गोल गरे ।
विर्जेश चौधरीको गोलमा नेपालले ७६ औं मिनेटमा अग्रता लिएको थियो । ८२ औं मिनेटमा हरप्रितले गोल गर्दै खेललाई बराबरीमा ल्याए ।
तीन मिनेटपछि हरप्रितले व्यक्तिगत दोस्रो गोल गर्दै भारतलाई अग्रता दिलाए । ८८ औं मिनेटमा विर्जेशले व्यक्तिगत दोस्रो गोल गर्दै खेललाई बराबरीमा ल्याए ।
यस बराबरीसँगै नेपालको छनोट हुने गणितीय सम्भावना कायम छ । भारतले भने अन्तिम खेल जित्नै पर्ने हुनेछ ।
दिनको पहिलो खेलमा इराकले प्यालेस्टाइनलाई ४-० ले पराजित गरेको थियो ।
Tweets about #AFCu16Q from:@Kantipurdaily
प्रकाशित : आश्विन ६, २०७४ १६:२३प्रतिक्रिया
