काठमाडौं — ठैव डोजोले प्रथम उपत्यकाव्यापी करातेले ८ स्वर्ण, ५ रजत र ३ कांस्य पदक जित्दै टिम च्याम्पियनको ट्रफी जितेको छ । आयोजक नेपाल सितोरियो कराते शाखा डोजो भारदेउ ६ स्वर्ण, ११ रजत र ११ कांस्यसाथ दोस्रो भयो । तेस्रो भएको विद्यासागरले ६ स्वर्ण, २ रजत र ६ कांस्य जितेको थियो ।
पुरुषमा विद्यासागरका सुमन तामाङ र महिलामा आयोजक भारदेउकी एरिना घले उत्कृष्ट खेलाडी भए । पुरुषमा नवशान्ति डोजोका मनीष खड्का र महिलामा चौघरे डोजोकी सेम्सङ लामा उदीयमान खेलाडी चुनिए । नागर्जुन डोजोले फेयर प्ले उपाधि जित्यो ।