दुई म्यानचेस्टर अगाडि
लन्डन (एएफपी) — इंग्लिस प्रिमियर लिगमा दुई म्यानचेस्टर क्लब शीर्ष स्थानमा रहे । लिगमा शनिबार भएका खेलमा म्यानचेस्टर सिटी र म्यानचेस्टर युनाइटेडले प्रभावशाली जित निकाले ।
सिटीले चेल्सीलाई १–० ले हरायो । त्यसमा केभिन डे ब्रुनले निर्णायक गोल गरे । यस्तै युनाइटेडले क्रिस्टल प्यालेसलाई ४–० ले पन्छायो । दुवै टिमको ७ खेलबाट १९ अंक रहेको छ ।
शनिबारको अर्को प्रमुख खेलमा टोटनहमले हडर्सफिल्डलाई सजिलै ४–० ले पराजित गरेको थियो । यस्तै अरु खेलमा स्टोकले साउथह्याम्पटनलाई २–१ र वेस्ट ह्यामले स्वान्सीलाई १–० ले हरायो ।
प्रतिक्रिया