विश्वकप छनोट - पोर्चुगल र बेल्जियम विजयी

रोयटर्स

ला भेला — विश्वकप छनोटमा युरोपको समूह 'बी' अन्तर्गत शनिबार राति पोर्चुगलले एण्डोरालाई २–० ले पराजित गर्दै विश्वकप छनोटको सम्भावना बलियो बनाएको हो ।

क्रिष्टियानो रोनाल्डो र आन्द्रे सिल्भाले दोस्रो हाफमा एक-एक गोल गरेपछि पोर्चुगलको जित निश्चित भयो । रोनाल्डो दोस्रो हाफमा वैकल्पिक खेलाडीका रुपमा मैदान प्रवेश गरेका थिए । फरो आइल्याण्ड र लात्भिया गोलरहित बराबरीमा रोकिँदा स्विट्जरल्यान्डले हंगेरीलाई ५-२ ले हराउँदै शीर्ष स्थानमा पकड कायम राख्यो । स्विट्जरल्यान्डको २७ अंक र दोस्रो स्थानमा रहेको पोर्चुगलको २४ अंक छ । अन्तिम चरणको खेलमा शीर्ष दुई टोली भिड्दैछन् । पोर्चुगलले अन्तिम खेलमा स्विट्जरल्यान्डलाई पराजित गरेको खण्डमा समूह विजेता बन्नेछ ।

यसैगरी समूह'एच' अन्तर्गत विश्वकपका लागि छनोट भइसकेको बेल्जियमले बोस्निया एण्ड हर्जगोभिनामा ४-३ को जित दर्ता गर्यो । इस्टोनियालव जिब्राल्टारलाई ६-० ले हराउँदा ग्रिसले साइप्रसलाई २-१ ले पाखा लगायो ।

प्रकाशित : आश्विन २२, २०७४ १०:००
प्रतिक्रिया
पठाउनुहोस्

विश्वकप छनोट - फ्रान्स विजयी, नेदरल्यान्डलाई कठिन बाटो

एएफपी

पेरिस — फिफा विश्वकप छनोट युरोपको समूह 'ए' अन्तर्गत शनिबारका खेलमा फ्रान्स, स्विडेन र नेदरल्यान्डले जित दर्ता गरेका छन् ।

फ्रान्सले बुल्गेरियालाई १–० ले पराजित गर्दै छनोट हुने सम्भावना बलियो बनाएको हो । बुल्गेरियामा भएको खेलमा फ्रान्सका ब्लेस मातुइडीले तेस्रो मिनेटमा गरेको गोल निर्णायक सावित भयो । समूहकै अन्य खेलमा मार्कस बर्ग एक्लैले ४ गोल गरेपछि स्विडेनले लक्जेम्बर्गलाई ८–० ले हरायो । नेदरल्याण्डले पनि बेलारुसलाई ३ – १ ले पराजित गर्‍यो । नेदरल्याण्डका लागि डेभी प्रोपर, आर्जेन रोबेन र मेम्फिस डिपेले एक एक गोल गरे । बेलारुसका माक्सिम भोलोड्कोले एक गोल फर्काए । यस नतिजासँगै समूहका शीर्ष ३ स्थानमा रहेका टोलीको छनोट हुने सम्भावना कायम छ ।

२० अंकसहित शीर्षस्थानमा रहेको फ्रान्सले अन्तिम चरणमा बेलारुससँग खेल्दैछ । १६ अंक सहित तेस्रो स्थानमा रहेको नेदरल्याण्डले अन्तिम खेलमा दोस्रो स्थानमा रहेको स्विडेन (१९ अंक) लाई भारी गोल अन्तरले पराजित गर्नुपर्ने हुन्छ । स्विडेनलाई भारी अन्तरले पराजित गरे मात्र नेदरल्याण्ड प्ले अफबाट रुसको यात्रा तय गर्ने मौका हुनेछ ।

प्रकाशित : आश्विन २२, २०७४ १०:००
पूरा पढ्नुहोस्
प्रतिक्रिया
पठाउनुहोस्