नेपालले हङकङसँग खेल्ने मैदानको तयारी यस्तो छ
हङकङ — हङकङस्थित मिसन रोडको मोङ कङमा रहेको टिन क्वोङ रोड रिक्रिएसन मैदान हो यो । यही मैदानमा हङकङ र नेपाल विश्व क्रिकेट लिग च्याम्पियनसिपमा शुक्रबार र आइतबार खेल्दै छन् ।
विश्वकप छनोटको आधार रहेको च्याम्पियनसिपको यस खेलका लागि मैदान द्रुत गतिमा तयार पारिएको छ । विकेटमा हरियो घाँस देखिएकाले सिम बलिङका लागि फाइदा हुने देखिन्छ ।
हङकङसँगको खेलका लागि पारस खड्काको कप्तानीमा रहेको नेपाली राष्ट्रिय टोली मंगलबार राती हङकङ लाग्दै छ । नेपाली टोली बुधबार बिहानमात्र हङकङ पुग्ने छ ।
च्याम्पियनसिपको अंक तालिकामा हङकङ ११ अंकसहित पाँचौं र नेपाल ८ अंकसहित छैटौं स्थानमा छ । च्याम्पियनसिपको शीर्ष चार टोली २०१९ को विश्वकप छनोटमा पुग्ने छ । नेपालले सातौं तथा अन्तिम चरणमा युएई गएर डिसेम्बरमा युएईसँग खेल्ने छ ।
प्रकाशित : आश्विन २३, २०७४ २१:१८