हङकङविरुद्ध खेलअघि के भन्छन् कप्तान र प्रशिक्षक ? [भिडियोसहित]

विनोद पाण्डे

हङकङ — नेपालले विश्व क्रिकेट लिग च्याम्पियनसिपअन्तर्गत छैटौं चरणको खेलमा हङकङको सामना गर्दैछ । शुक्रबार र आइतबार हुने खेलका लागि नेपाली टोली बुधबार हङकङ आइपुगेको छ । पहिलो दिन विश्राम लिएको नेपाली टोलीले बिहिबार प्रशिक्षण गर्ने कार्यक्रम छ ।

हङकङ आइपुगेपछि खेलका बारेमा बोल्दै कप्तान पारस खड्काले नेपाली टोली पूर्णरुपमा तयार रहेको बताए । उनले भने, ‘मैदानको बारेमा थाहा भएर हामीले केही योजनाहरु बनाएका थियौं । फास्ट बलर र स्पिनर दुबै उत्तिकै मात्रामा छन् । यही बलिङमा हामी बलियो छौं भन्न मिल्दैन् । पिच जस्तो भए पनि आफूले बनाएको योजनाअनुसार खेल्यौं भने चाहेको नतिजा आइहाल्छ ।’उनले सानो मैदान भएकाले ब्याटिङलाई केहि फाइदा पुग्ने पनि बताए ।

प्रशिक्षक जगत टमाटा पहिला ब्याटिङ गरेर सुरक्षित भएर खेल्ने हो भने खेल जितिन्छ भन्नेमा छन् । ‘विकेट सिधा भागको लम्बाई निकै सानो छ, एक छेउको अन्तिम विकेटमा खेल्न लागिएकाले एक भागको लम्बाई लामो र अर्को भाग छोटो छ । त्यही भएर २ सय ८० रनको स्कोर पनि यहा सुरक्षित हुन्छ,’ उनले भने ।

नेपाल विश्व क्रिकेट लिग च्याम्पियनसिपको अंक तालिकामा छैटौं स्थानमा छ । शीर्ष चारमा पर्ने टोलीले विश्वकप छनोट खेल्ने छ भने पुछारका चार टोली डिभिजन टु मा घटुवा हुनेछन् । नेपाललाई शीर्ष चारमा स्थान बनाउन बाँकी सबै खेल्न जित्नपर्ने दबाब छ ।

प्रकाशित : आश्विन २५, २०७४ १७:२२
प्रतिक्रिया
पठाउनुहोस्

माओवादी केन्द्र भत्किएर देशमा अर्को शक्ति पैदा हुँदैछ : दाहाल

कान्तिपुर संवाददाता

काठमाडौं — मोहनविक्रम सिंह, नारायणमान विजुक्छे, मोहन वैद्यलगायत नेतालाई लक्षित गर्दै दाहालले भने ‘मेरा कतिपय गुरुहरु पुरानै पार्टीमा हुनुहुन्छ । त्यही पार्टीमा हिँडिराख्नुभएको छ । भिक्षुजस्तै घण्टी बजाइरहनुभएको छ । उहाँहरुबाट न समाजमा कुनै परिवर्तन छ । न त जीवनमा कुनै आवेग वा कुनै आक्रोश नै । उहाँहरु पुरानै ढंगले चलिरहनै रहनुभएको छ ।’

नेकपा माओवादी केन्द्रका अध्यक्ष पुष्पकमल दाहालले माओवादी केन्द्र भत्किएर देशमा अर्को नयाँ पार्टी बन्न लागेको बताएका छन्।

काठमाडौंमा बुधबार आयोजित पार्टी एकता कार्यक्रममा बोल्दै दाहालले प्रतिनिधिसभा र प्रदेशसभा निर्वाचनको संघारमा बढिरहेको राजनीतिक ध्रुविकरणले देशमा नयाँ शक्तिशाली पार्टी निर्माण हुने र जनताको इच्छाअनुसार काम हुने दाबी गरेका हुन्। माओवादी केन्द्र र नेकपा (संयुक्त)बीचको एकताको प्रसंग जोड्दै दाहालले भने, ‘आजको एकता र अर्को एकताको कुरा हुँदैछ। जसबाट माओवादी केन्द्र भत्किन्छ र देशमा नयाँ शक्ति पैदा हुन्छ।’असोज १७ गते एमाले, माओवादी केन्द्र र नयाँ शक्तिबीच चुनावी तालमेल गर्दै पार्टी एकता गर्नेसम्मको घोषणा गरिएको थियो।

‘माओवादीले कहिल्यै पनि घिसेपिटे तरिकाले सोचेन, एउटा नयाँ सोच र क्रमभङ्गका रुपमा सोचेकाले हामी अहिलेको ठाउँमा आइपुगेका छौं’, अध्यक्ष दाहालले भने, ‘कतिपय कम्युनिस्ट नेता र अग्रजहरु मन्दिरमा घण्टी बजाएझैं एकै ठाउँमा बसिरहनु भएको छ, हामीले त्यसो गरेनौं।’

उनले थपे ‘कतिपय साथीहरु भक्तपुरमा बसिरहनुभएको छ। भक्तपुरभन्दा बाहिर हेर्नुहुन्न। कतिपय साथी प्यूठानमा हुनुहुन्छ। प्यूठानबाहिर जानुहुन्न। केही साथी त्यस्तै यस्तै हुनुहुन्छ।’

‘तर हामी त्यो भन्दा फरक छौं। फरक ढंगले उत्पीडित वर्ग र समुदायको मुक्तिका निम्ति अगाडि बढ्ने जमर्को गरिरहेका छौं’ दाहालले भने, 'नयाँ तरंग र आवेग पैदा गराएर मात्रै समाजलाई रुपान्तरण गर्न सकिन्छ।'

प्रकाशित : आश्विन २५, २०७४ १७:२२
पूरा पढ्नुहोस्
प्रतिक्रिया
पठाउनुहोस्