नेपालको विश्वकप छनोट खेल्ने सपना लगभग समाप्त [अपडेट]

नेपाल अलआउट, हङकङ ८३ रनले विजयी
विनोद पाण्डे, तस्बिर : हेमन्त श्रेष्ठ

काठमाडौं — विश्व क्रिकेट लिग च्याम्पियनसिप अन्तर्गत हङकङविरुद्धको पहिलो खेलमा नेपाल पराजित भएको छ । पराजयसँगै नेपालको विश्वकप छनोट खेल्ने सपना लगभग सक्किएको छ । शुक्रबार हङकङस्थित मिसन रोडको मोङ कङमा रहेको टिन क्वोङ रोड रिक्रिएसन मैदानमा भएको खेलमा हङकङले नेपालमाथि ८३ रनको जित निकाल्यो ।

विश्व क्रिकेट लिग च्याम्पियनसिप अन्तर्गत हङकङविरुद्धको पहिलो खेलमा नेपाल पराजित भएको छ । पराजयसँगै नेपालको विश्वकप छनोट खेल्ने सपना लगभग सक्किएको छ ।

शुक्रबार हङकङस्थित मिसन रोडको मोङ कङमा रहेको टिन क्वोङ रोड रिक्रिएसन मैदानमा भएको खेलमा हङकङले नेपालमाथि ८३ रनको जित निकाल्यो ।

टस जितेर पहिले फिल्डिङ रोजेको नेपालले अन्तिम बलमा हङकङलाई अल आउट गरेको थियो ।

हङकङले ५० ओभरमा सबै विकेट गुमाउँदै १ सय ९४ रन बनाएको थियो ।

हङकङको तर्फबाट जेमी एट्किन्सनले सर्वाधिक ७६ रन बनाए भने नेपालको तर्फबाट सन्दीप लामिछानेले ३ विकेट लिए ।

जवाफी व्याटिङमा आएको नेपालले आशातित व्याटिङ गर्न सकेन । सुरुआती व्याट्सम्यान सस्तै रनामा आउट भएपछि नेपाली इनिङ्स धर्मरिएको थियो ।

नेपाल ३४.५ ओभरमा अल आउट भएको थियो । उसले जम्मा १ सय ११ रन मात्रै बनाउन सक्यो । नेपालको तर्फबाट कप्तान पारस खड्काले सर्वाधिक२६ रन बनाए । हङकङका लागि एहेसान खानले ५ विकेट लिए ।

नेपालले हङकङ विरुद्ध दोस्रो खेल आइतबार खेल्ने छ ।

...

विश्व क्रिकेट लिग च्याम्पियनसिप अन्तर्गत हङकङविरुद्धको पहिलो खेलमा नेपालले १ सय ९५ रनको लक्ष्य पाएको छ । पुरै ओभर ब्याटिङ गरेको हङकङ इनिङ्सको अन्तिम बलमा रनआउट हुँदै १ सय ९४ रनमा अल आउट भएको थियो । ताजा अवस्थामा नेपालले ९ विकेट गुमाइसकेको छ । विनोद भण्डारी आउट भएका छन्।

टस जितेर फिल्डिङ रोजेको नेपाललाई करण केसीले राम्रो सुरुआत दिलाए । चौथो ओभरमा उनको बलमा ओपनर अन्सुमन रथलाई स्लिपमा रहेका ज्ञानेन्द्र मल्लले उत्कृष्ट क्याच लिँदै शून्यमा पेभेलियन फर्काए । बाबर हायातले आक्रामक ब्याटिङ गर्दै २६ बलम २९ रन जोडे । दिपेन्द्र सिंह ऐरीले कप्तान हायातलाई उत्कृष्ट रनआउट गरेपछि नेपाल बलियो स्थितमा पुग्यो ।

ओपनर जेमी एटकिन्सनले ७६ रन जोड्दा अन्य मध्यक्रमका ब्याट्सम्यानले उल्लेख्य योगदान दिन सकेनन् । एटकिन्सनले १ सय १७ बलको सामना गर्दै ९ चौका र १ छक्का प्रहार गरेका थिए । तल्लोक्रममा ब्याट्सम्यान तनवीर अफजलले ४२ बलमा ३८ रन जोडेपछि हङकङले प्रतिस्पर्धात्मक योगफल तयार पार्‍यो ।

नेपालका लागि सन्दीप लामिछानेले ३ विकेट लिए । करण केसी र वसन्त रेग्मीले २/२ विकेट र सुशन भारीले एक विकेट हात पारे ।

विश्व क्रिकेट लिग च्याम्पियनसिप अन्तर्गत नेपालले हङकङसँग प्रतिस्पर्धा गर्दैछ । हङकङ स्थित मिसन रोडको मोङ कङमा रहेको टिन क्वोङ रोड रिक्रिएसन मैदानमा खेल हुनेछ । नेपालले टस जितेर फिल्डिङ गर्ने निर्णय गरेको छ ।हङकङ १ सय ९४ रनमा अल आउट भएको छ।

नेपाललाई पाँचौ सफलता ! सन्दिप लामिछानेले शहिद वासिफलाई एल्बीडब्लु धरापमा पारेका छन् । हङकङ १०९/५ (३०.४ ओभर) ।

तेस्रो विकेटको रुपमा हङकङका निजाकत खान स्टम्प आउट भएका छन् । हङकङका बाबर हायत दीपेन्द्रसिंह ऐरीले डाइरेक्ट हिट गर्दा रन आउट भएका छन् । हङकङले पहिलो विकेटको रुपमा अन्सुमन रथलाई गुमाएको थियो ।

च्याम्पियनसिपको छैटौं चरणमा यो अन्तिम खेल हो । हङकङ ११ अंकसहित पाँचौं र नेपाल ८ अंकसहित छैटौं स्थानमा छ । च्याम्पियनसिपको शीर्ष चार टोली अर्को वर्ष जिम्बाबेमा हुने विश्वकप छनोटमा पुग्ने प्रावधान छ । नेपालले पछिल्लो पटक हङकङसँग मार्चमा खेलेको थियो । ज्ञानेन्द्रको ७० रनमा नेपालले सो खेल ७ विकेटले जितेको थियो ।

दुबै टोलीका लागि यो खेल निकै महत्वपूर्ण रहेको छ । नेपालले हङकङपछि युएईसँग युएईमा गएर खेल्दै छ । नेपालले हङकङ र युएईसँगका २—२ खेलमा विजय हात पारेमा शीर्ष चारमा पर्ने सम्भावना बलियो हुन्छ । एक खेल हारेमा पनि नेपाल शीर्ष चारको दौडबाट बाहिरिन सक्छ ।

प्रमुख ब्याट्सम्यान शरद भेषावकर अस्वस्थका कारण हङकङसँग शुक्रबार र आइतबार हुने खेल गुमाउने भएकाले नेपाली टोलीमाथी दबाब थपिएको छ । शरदले १० खेलमा नेपालबाट ३ सय २१ रन बनाएका छन् । उनीभन्दा बढी रन च्याम्पियनसिपमा कप्तान पारस खड्का (३५२) ले बनाएका छन् । शरद नखेल्ने भएपछि उनले ब्याटिङ गर्ने तेस्रो नम्बरमा कप्तान पारस खड्काले ब्याटिङ गर्ने भएका छन् । मैदानको आकार सानो भएका कारण खेल ‘हाइ स्कोरिङ’ हुने अनुमान गरिएको छ ।

कान्तिपुर संवाददाता विनोद पाण्डे र हेमन्त श्रेष्ठ मार्फत मैदानबाट प्रत्यक्ष अपडेटमा छौं ।

प्रकाशित : आश्विन २७, २०७४ ११:२०
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

असुरक्षित भवनमा प्रहरीको बास

प्रताप विष्ट

हेटौंडा — नागरिकलाई सुरक्षा प्रदान गर्न कार्यरत प्रहरीहरू आफैं असुरक्षित अवस्थामा बस्न बाध्य छन् । विकट गाविसका अधिकांश प्रहरी चौकीको आफ्नो भवन नभएर भाडामा घर राखिएको छ । त्यतिमात्र होइन, गाविस भवनको कोठा र पुरानो पाटी पौवामा पनि उनीहरूको बास छ ।

भूकम्पले भवन भत्केकाले केही चौकीका प्रहरीहरू त्रिपालमुनि बसिरहेका छन् । 

मकवानपुरको थाहा नगरपालिका–९ चित्लाङको प्रहरी चौकी उपत्यका बाहिरको मुलुकको पहिलो प्रहरी (थाना) चौकी हो । भवनको अभावमा प्रहरी जवानदेखि अधिकृतसम्म पुरानो ऐतिहासिक जीर्ण पाटीमा बस्दै आएका थिए । भूकम्पले गाह्रो चिरा–चिरा पारिदिएकाले कृुनै पनि बेला गल्र्यामगुर्लुम भत्कने डरले पाटी नजिकै टाँगिएको त्रिपालमुनि सुत्ने गरेका छन् । इप्रका कार्यालय त्यही ऐतिहासिक जीर्ण भवनमा नै राखिएको छ । प्रहरीहरू त्यही भवनमा खाना पकाएर खाने गर्छन् भने हातहतियार पनि त्यही भित्र राख्ने गरेका छन् । भात खाँदा पनि उनीहरू डराई–डराई खाने गरेका छन् । 

उपत्यका र तराई आवत–जावत गर्ने प्रवेशद्वारको रूपमा रहेको चित्लाङमा यात्रुहरूको सुरक्षार्थ २००२ सालमा प्रहरी थाना राखिएको थियो । त्यति बेला १५ जना रहने उक्त थानामा प्याङको टोपी लगाउने मिलेसिया प्रहरी तैनाथ गरिएको थियो । गोश्वाराको मातहत रहने गरी ७२ वर्षअघि प्रहरी थाना चित्लाङको नारायणहिटीको पौवा (पाटी) मा राखिएको थियो । उक्त पाटी भत्केपछि चित्लाङको ऐतिहासिक पौवामा प्रहरी थाना राखिएको ७८ वर्षीय बाबुकाजी मानन्धरले बताए । 

पौवास्थित थानामा मिलेसिया प्रहरी त्यसपछि राम दलको प्रहरी तैनाथ गरिएको थियो उनले भने । चित्लाङ राजधानी प्रवेशद्वार भएकाले यात्रुहरू बास बस्नका लागि करिब २ सय वर्षअघि निर्माण गरिएको काष्ठकलायुक्त पौवा मर्मत सम्भारको अभावमा जीर्ण रहेको अवस्थामा भूकम्पले झन् चिराचिरा पारिदिएको छ । भत्कने अवस्थामा रहेको पौवामा इलाका प्रहरी कार्यालय चित्लाङ रहेको छ । मुसा र सर्पको बिगबिगी रहेको पौवामा प्रहरी कार्यालय छ । ‘पाटीको माथिल्लो तलामा सर्प र मुसाको रजाइँ छ भने माटोको गाह्रो भएकाले कुनै बेला भत्केर किचिने डर छ,’ इप्रकाका प्रमुख दीपक गुप्ताले भने, ‘घर भत्कने डरले नजिक पनि बस्न डर लाग्छ तर के गर्नु, त्यही घरभित्र कार्यालय नै चलाउनु परेको छ ।’ करिब २ सय हात लामो दुई तले पौवाको माथिल्लो तलामा विभिन्न मालसामान राखिएकाले मुसा र सर्पको यहाँ स्थायी बसोबास छ । मुसा र सर्पले माथिल्लो तलाको गाह्रो सबै भत्काइसकेको छ । भूकम्पले गर्दा गाह्रो सबै चर्केको छ । चर्केको ठाउँलाई मुसा र सर्पले सुरक्षित बासस्थान बनाएको छ । 

उपत्यका र तराई आवत–जावत गर्ने यात्रुहरू रात बस्नका लागि निर्माण गरिएको पौवा कुनै पनि बेला भत्कने अवस्थामा छ । पुरातात्त्विक विभागको मातहतमा रहेकाले गाविस वा प्रहरीले उक्त पौवाको मर्मत सम्भार गर्न पाउँदैनन् । ‘मर्मत सम्भार गर्न पनि पुरातात्त्विक विभागको स्वीकृति लिनुपर्छ,’ स्थानीय बुद्धिजीवी बुद्धरत्न मानन्धरले भने, ‘पौवाको मर्मत सम्भार नगरिएकाले नगारिकको सुरक्षा गर्न बसेका प्रहरीहरू नै असुरक्षित अवस्थामा छन् ।’ 

उपत्यका बाहिरको पहिलो प्रहरी थाना अहिले इलाका प्रहरी कार्यालयमा बढोत्तरी गरिएको छ । तर भौतिक पूर्वाधारको अभावमा प्रहरीहरू जोखिममा छन् । नेपाल प्रहरी संगठन गठन हुुनुअघि स्थापना भएको चित्लाङको प्रहरी थानाले श्री ५, श्री ३, बेलायती महारानी तथा हजारौं विदेशी र स्वदेशी सुरक्षार्थ प्रदान गरेको इतिहास छ तर चौकी र त्यहाँका प्रहरीहरू भने असुरक्षित छन् । त्रिभुवन राजपथ सञ्चालनमा आउनुअघि स्वदेशी एव विदेशीहरू चित्लाङ चन्द्रागिरि हुँदै उपत्यका प्रवेश गर्थे । त्रिभुवन राजपथको सञ्चालनसँगै चित्लाङको पाटी पौवा, ढुंगेधारा, चुल्हो, ऐतिहासिक वस्तु र पैदलमार्ग क्रमश: लोप हुँदै गएको हो । चित्लाङका प्रहरीहरूमात्र होइन, बकैया गाउँपालिका अन्तर्गत पर्ने साबिकको ठिंगन गाविसस्थित इप्रकाका प्रहरीहरू गाविस भवनको एउटा कोठामा कोचिएर बसेका छन् । कोठामा पानी चुहिने भएकाले हातहतियार जोगाउन पनि उनीहरूलाई हम्मे परेको छ । यसैगरी, खैराङ, कान्द्राङ, फाखेल, भोर्लेनी र डाँडाखर्क गाविसस्थित प्रहरी चौकी घर भाडामा लिएर राखिएका छन् । उनीहरूको स्थिति असुरक्षित र कष्टपूर्ण छ । थाहा नपास्थित सिमभन्ज्याङका प्रहरीहरूले त्रिपालमुनि बसेर स्थानीयवासीलाई सुरक्षा प्रदान गरेका छन् । भूकम्पले उनीहरू बसेको भवन भत्केकाले २९ महिनादेखि त्रिपालमुनि बसेका छन् । 

०७२ वैशाख १२ को भूकम्प र त्यसपछि परकम्पले जिल्लाका डेढ दर्जन प्रहरी चौकीको भवनमा क्षति पुगेको थियो । प्रहरी चौकी भवन भूकम्पले क्षतिग्रस्त बनाएपछि क्षतिग्रस्त अधिकांश प्रहरी चौकीका प्रहरीहरू त्रिपालमुनि बसेर नागरिकलाई उद्धार र राहतमा सहयोग पुर्‍याउनुका साथै सुरक्षा प्रदान गरिरहेका छन् । जिल्ला प्रहरी कार्यालय मकवानपुरका अनुसार जिल्लाका विभिन्न गाविसमा रहेका पुराना अस्थायी प्रहरी चौकीका भवन भूकम्पले क्षतिग्रस्त बनाएको छ ।

प्रकाशित : आश्विन २७, २०७४ ११:२०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT