युरोपको विश्वकप प्लेअफ ड्र आज हुँदै

एजेन्सी

ज्युरीच — फिफा विश्वकप २०१८ को छनोट अन्तर्गत युरोपियन प्लेअफको ड्र मंगलबार स्विटजरल्यान्डको ज्युरिचमा हुँदैछ । प्लेअफमा पुगेका आठ टोलीलाई फिफा वरियताको आधारमा दुई समूहमा बाँडिएको छ ।

फिफा विश्वकप २०१८ को छनोट अन्तर्गत युरोपियन प्लेअफको ड्र मंगलबार स्विटजरल्यान्डको ज्युरिचमा हुँदैछ । प्लेअफमा पुगेका आठ टोलीलाई फिफा वरीयताको आधारमा दुई समूहमा बाँडिएको छ । पहिलो समूहमा शीर्ष चार र अर्कोमा पुछारका चार टोली रहनेछन् । ड्र नेपाली समयानुसार साँझ ५:४५ मा हुँदैछ ।

ड्र समारोहमा पहिलो समूहका टोलीले दोस्रो समुहका टोलीसँग खेल्नेछन् । दुवै समूहबाट एक/एक टोलि गरेर कुल चार खेल हुनेछ । प्लेअफ अन्तर्गत होम र अवेका दुवै खेल नोभेम्बर ९ र १४ मा हुनेछ ।

इटाली, क्रोयसिया, स्विटजरल्यान्ड र डेनमार्क सम्मिलित शीर्ष समूहका टोलीलाई पट १ मा राखिको छ । यस्तै पट २ मा उत्तरी आयरल्यान्ड, आयरल्यान्ड गणतन्त्र, ग्रिस र स्विडेन छन् ।

विश्वकप अन्तर्गत अन्तरमहादेशीय प्लेअफमा न्युजिल्यान्ड र पेरु खेल्दैछन् भने अस्ट्रेलियाले होन्डुरसको सामना गर्दैछ ।

प्रकाशित : आश्विन ३१, २०७४ १५:५२
ADVERTISEMENT
प्रतिक्रिया
पठाउनुहोस्
ADVERTISEMENT

बहुमतीय सरकार नभएसम्म विकासमा बाधा : रविन्द्र अधिकारी

कान्तिपुर संवाददाता

काठमाडौं — नेकपा एमाले नेता रवीन्द्र अधिकारीले राजनीतिक स्थायित्वका लागि बहुमतको सरकार नभएसम्म कुनै पनि अवस्थामा मुलुकका विकास आयोजनाले गति लिन नसक्ने बताएका छन् ।

संसदको विकास समिति सभापति समेत रहिसकेका उनले मंगलबार निर्वाचन क्षेत्र र पूर्वाधार विकास विशेष कार्यक्रमअन्तर्गतको बजेट आफूले वितरण गरेका योजनाको हिसाब सार्वजनिक गर्दै भने, ‘बहुमतको सरकार नभएसम्म देशको विकास गतिविधिले निरन्तरता पाउन गाह्रो छ ।’विकास समितिले चार वर्षमा विषयगत मन्त्रालय र सरकारलाई करिब १ सय ४० वटा निर्देशन दिएको बताउँदै उनले भने, ‘कुनै योजनामा सरकारको नियत ठीक नभएर रोकिएको देखियो, धेरैमा क्षमता नभएर रोकिएको देखियो ।’

राष्ट्रिय गौरवका आयोजनाहरूले अहिले निरन्तरता पाएको देखिए पनि छिटो छिटो सरकार परिवर्तन हुँदा विषयगत मन्त्री फेरिने, मन्त्रीसँगै सचिव र सम्बद्ध निकायका अधिकारी परिवर्तनको नराम्रो अभ्यास विकासविरोधी भएको उनले बताए ।

दुईपटक कास्कीबाट संसदमा प्रतिनिधित्व गरिसकेका नेता अधिकारी यसपटक पनि जिल्लाको क्षेत्र नम्बर २ बाट प्रत्यक्षतर्फ उम्मेदवारीका लागि सिफारिसमा परेका छन् ।

सडकका योजनालाई प्राथमिकता
प्रत्यक्षतर्फका सांसदले आफ्नो निर्वाचन क्षेत्रका लागि पूर्वाधारतर्फ तीन करोड र क्षेत्र विकासतर्फ ५० हजारका योजना विनियोजन गर्न पाउँछन् । उक्त बजेटमा अधिकारीले आफ्नो क्षेत्रमा धेरैजसो सडकका योजनालाई प्राथमिकतामा परेका छन् ।

कार्यक्रममा उनले सार्वजनिक गरेको विवरणअनुसार पूर्वाधार विकासतर्फका २५ योजनामध्ये १४ वटा सडकका छन् । क्षेत्र विकासतर्फका १५ योजनामध्ये पाँचवटा बाटो, खानेपानी, क्षमता अभिबृद्धि, पर्यटन र वातावरणका छन् ।

डन प्रवृत्ति घातक
एमालेले मनाङबाट दीपक मनाङ्गेलाई उम्मेदवार सिफारिस गरेको विषयमा उठेको प्रश्नमा नेता अधिकारीले पैसा र गुण्डाले पार्टी नचल्ने बताए । ‘जिल्लाले गरेका सिफारिसमाथि पार्टीले अन्तिम निर्णय गरिसकेको छैन,’ उनले भने, ‘त्यसैले मनाङ्गेका विषयमा पार्टीले साँच्चिने मौका पाएको छ ।’

जिल्लाहरूलाई उम्मेदवारका आकांक्षीका नाम सिफारिस गर्ने अधिकार भए पनि अन्तिम निर्णय पार्टीको केन्द्रीय कमिटीले गर्ने भएकाले पर्खेर हेर्नुपर्ने उनले बताए । ‘पार्टीमा डन प्रवृत्ति हाबी हुनुहुँदैन,’उनले भने, ‘सञ्चारमाध्यमले उठाएका कुरामा पार्टीले अवश्य विचार गर्छ ।’

प्रकाशित : आश्विन ३१, २०७४ १५:५२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT