लिभरपुल ७-० ले विजयी
लन्डन — प्रिमियर लिगको टोली लिभरपुलले युइएफा च्याम्पियन्स लिग अन्तर्गत समूह चरणको खेलमा मारिबोरलाई ७-० ले पराजित गरेको छ ।
खेलको सुरुआती मिनेटदेखि आक्रामक देखिएको लिभरपुलका लागि मोहमद सलाह र रोबर्टो फिर्मिनोले दुई-दुई गोल गरे । अन्य गोल फिलिपे कौटिन्हो, एलेक्स अकसलेड चेम्बरलिन र ट्रेन्ट एल्क्जेन्डर आर्नोल्डको नाममा रह्यो ।
समूहको अर्को खेलमा स्पार्टाक मस्कोले सेभियालाई ५-१ ले पराजित गर्यो । उसको जितमा क्विन्ची प्रोमेसले दुइ गोल गरे ।
समूह 'ई'मा समान ५/५ अंक बोकेका लिभरपुल र स्पार्टाक समुहको शीर्ष स्थानमा छन् भने ४ अंक जोडेको सेभिया तेस्रोमा छ ।
प्रकाशित : कार्तिक १, २०७४ ०७:५१प्रतिक्रिया
