म्यानचेस्टर सिटी ५ अंकले अगाडि

एएफपी

लन्डन — म्यानचेस्टर सिटीले इंग्लिस प्रिमियर लिगमा शनिबार राति ५ अंकको स्पष्ट अग्रता खोलेको छ । अर्को खेलमा म्यानचेस्टर युनाइटेडले स्तब्धपूर्ण हार बेहोरेपछि सिटी आरामले शीर्ष स्थानमा रहन सकेको हो ।

सिटीले घरमा बर्नलीलाई ३–० ले हरायो र त्यसमा सर्जियो एगुरोले क्लबका लागि सर्वाधिक गोलको कीर्तिमान बराबरी गरे । उनले सिटीका लागि आफ्नो १ सय ७७ औं गोल गर्दै एरिक ब्रुक्सको कीर्तिमानको बराबरी गरे ।

यसअघि म्यानचेस्टर हडर्सफिल्डसँग २–१ ले पराजित रह्यो । हडर्सफिल्डले लिगमा म्यानचेस्टरलाई हराएको यो सन् १९५२ यता पहिलो पटक हो । शनिबारको अर्को महत्त्वपूर्ण खेलमा चेल्सीले वाटफोर्डलाई ४–२ ले पराजित गरेको थियो ।

प्रकाशित : कार्तिक ५, २०७४ ०८:२६
ADVERTISEMENT
प्रतिक्रिया
पठाउनुहोस्
ADVERTISEMENT

वेस्ट इन्डिज सस्तोमा समेटियो

एएफपी

बुलावायो — वेस्ट इन्डिजले जिम्बावेविरुद्धको पहिलो टेस्टको पहिलो दिन खराव प्रदर्शन गरेको छ । पहिले ब्याटिङ गरेको पाहुना टिम २ सय १९ रन बनाएर अलआउट भयो ।

जवाफमा जिम्बावेले विना विकेटको क्षति १९ रन बनाएको छ र दुई सय रनले पछाडि छ । वेस्ट इन्डिजका लागि साइ होपले ९० रन बनाए र नटआउट रहे ।

यस्तै किरेन पावेलले ५६ रनको योगदान दिए । अरु कोही ब्याट्सम्यानले गतिलो प्रदर्शन गर्न सकेनन् ।

प्रकाशित : कार्तिक ५, २०७४ ०८:२६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT