बार्सिलोनाको अपराजित यात्रा कायमै

एएफपी

म्याड्रिड — स्पेनिस ला लिगा अन्तर्गत शनिबार बार्सिलोनाले मालागालाई हराउँदै अपराजित यात्रा कायम राखेको छ । जेरार्ड देउलेफेउ र आन्द्रेस इनिएस्टाको गोलमा बार्सिलोना २-० ले विजयी रह्यो

 । भ्यालेन्सियाले पनि सेभियालाई ४-० को फराकिलो अन्तरले पराजित गर्दै दोस्रो स्थानमा उक्लियो । उसको जितमा गोन्कालो ग्वेडेसले दुई तथा सिमोने जाजा र सान्टि मिनाले १/१ गोल गरे ।

शीर्षस्थानमा रहेको बार्सिलोनाको ९ खेलमा २५ अंक छ भने दोस्रो स्थानको भ्यालेन्सियाले २१ अंक जोडेको छ । एक खेल कम खेलेका म्याड्रिड टोली रियल र एटलेटिकोको क्रमश: १७ र १६ अंक छ ।

शनिबार लेभान्टे र गेटाफेले १-१ को बराबरीमा सकिंदा रियल बेटिसले अलाभेसलाई २-० ले हरायो ।

प्रकाशित : कार्तिक ५, २०७४ ०८:३०
प्रतिक्रिया
पठाउनुहोस्

शीर्षस्थानका नेपोली र इन्टर बराबरीमा

एएफपी

मिलान — इटालियन सिरी 'ए' अन्तर्गत शनिबार अंक तालिकाको शीर्ष दुई स्थानमा रहेका टोलीले अंक बाँडेका छन् । नेपोलीको घरेलु मैदानमा भएको खेल गोलरहित बराबरीमा सकियो ।

यस नतिजासँगै नेपोलीले शीर्षस्थानमा २ अंकको अग्रता कायमै राखेको छ । नेपालीको ९ खेलमा २५ अंक छ भने इन्टरले २३ अंक जोडेको छ ।

शनिबारकै अर्को खेलमा साम्पडोरियाले क्रोटोनेलाई ५-० को फराकिलो अन्तरले पराजित गर्यो । जितसँगै ८ खेलमा १७ अंक जोड्दै साम्पडोरिया पाँचौ स्थानमा उक्लियो ।

प्रकाशित : कार्तिक ५, २०७४ ०८:३०
पूरा पढ्नुहोस्
प्रतिक्रिया
पठाउनुहोस्