स्विडेन छनोट इटाली बाहिरियो

एएफपी

मिलान — इटाली सन् १९५८ यता पहिलो पल्ट विश्वकपमा छनोट हुन असफल भएको छ । स्विडेनले सोमबार राति सानसिरोमा भएको युरोपली प्ले अफको दोस्रो लेगको खेलमा इटालीलाई गोलरहित बराबरीमा रोक्यो ।

यस नतिजापछि स्विडेनले समग्रमा १–० ले अग्रता लिन सफल रह्यो । स्विडेनले यसअघि घरमा भएको खेल एक गोलले जितेको थियो । चार पल्टको विजेता इटालीले निश्चित जित निकाल्नु पर्ने दोस्रो लेगको खेलमा पर्याप्त मौका पनि सिर्जना गर्न सकेन् ।

सन् २००६ को विश्वकप विजेता इटाली छनोटबाट बाहिरिएपछि सानसिरोमा उपस्थिति ७४ हजार दर्शक निराश भए । सन् १९३० मा पहिलो संस्करणको विश्वकप नखेलेको इटाली सन् १९५८ मा पनि छनोट हुन सकेको थिएन् ।

यस नतिजापछि इटालीका गोलरक्षक जियानलुगनी बुफोनले अन्तर्राष्ट्रिय फुटबलबाट पनि सन्यास लिएका छन् । उनले खेलपछि इटालीका फुटबल समर्थकलाई भनेका छन्, ‘म सबैसँग माफि माग्न चाहन्छुं ।’

प्रकाशित : कार्तिक २८, २०७४ ०९:३०
ADVERTISEMENT
प्रतिक्रिया
पठाउनुहोस्

कोमामा रहेका सार्कीको परिवारलाई घर

कान्तिपुर संवाददाता

भक्तपुर — साउदी अरबबाट कोमामा फर्केका रामकृष्ण सार्कीको परिवारलाई घर निर्माण गरी हस्तान्तरण गरिएको छ । सामाजिक सञ्जाल अभियानमार्फत स्वदेश तथा विदेशमा रहेका नेपालीबाट संकलित रकमले चाँगुनारायण नगरपालिका–४, संगम टोलका ४३ वर्षीय रामकृष्ण सार्कीको परिवारलाई घर निर्माण गरी हस्तान्तरण गरेको छ ।

वैदेशिक रोजगारीका लागि उनी साउदी अरब पुगेर चार वर्षअघि कोमामा फर्किएका थिए । सार्कीको परिवार ०७२ वैशाखको भूकम्पका कारण घर भत्किएपछि करिब ३० महिनायता कुखुरा पाल्न बनाइएको टहरामा बसेका थिए । सामाजिक सञ्जालबाट दीनदु:खीहरूको सेवामा कार्यरत सामाजिक अभियन्ता ढिकुरपोखरी–६, पाउदुरकोट कास्कीकी सरिता गुरुङले शुक्रबार घर हस्तान्तरण गरेकी हुन् । सामाजिक संकलित रकमबाट चारकोठे भूकम्प प्रतिरोधी घर निर्माण गरिएको थियो । सार्कीको आवास पुनर्निर्माणका लागि विभिन्न सामाजिक सञ्जालमार्फत ११ लाख १२ हजार ५ सय ५५ रुपैयाँ संकलन भएको उनले बताइन् ।

सार्कीको आवास पुनर्निर्माणका लागि सरिता गुरुङ फाउन्डेसनले डेढ लाख रुपैयाँ सहयोग गरेको उनले बताइन् ।

प्रकाशित : कार्तिक २८, २०७४ ०९:३०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT