दीक्षासँग नविता पराजित

६ खेलाडी सहभागी यो समूहमा दीक्षाले शतप्रतिशत जित निकालिन् । नविताले ४ जित र १ हार सामना गरिन् । सोमबारै दीक्षाले नवितालाई ३–१ को सेटमा हराएकी थिइन् ।
समूह ‘बी’ बाट एपीएफकी सेलिशा खड्गी, आर्मीकी रविना महर्जन र प्रहरीकी सोनु थापामगर तथा समूह ‘सी’ बाट आर्मीकी स्वेच्छा नेम्वाङ, प्रहरीकी एलिना महर्जन र प्रहरीकी यशस्वी सुवाल सुपर लिगलाई छानिए ।
पुरुष सिंगलतर्फ समूह ‘ए’ बाट एपीएफका विलोश श्रेष्ठ र प्रहरीका विनेश खनिया, समूह ‘बी’ बाट एपीएफका शिवसुन्दर गोथे र आर्मीका चन्दन शाही तथा समूह ‘सी’ बाट एपीएफका अमरलाल मल्ल र आर्मीका नारायण घिमिरे सुपर लिगमा स्थान बनाउन सफल भए । समूह ‘डी’ बाट एपीएफका पुरुषोत्तम वज्राचार्य र प्रहरीका प्रदीप रोका, समूह ‘ई’ बाट राष्ट्रिय च्याम्पियन प्रहरीका स्यान्टु श्रेष्ठ र आर्मीका कृष्ण थापामगर तथा समूह ‘एफ’ बाट प्रहरीका दीप साउन र भक्तपुरका राजीव चिकन्बन्जारले सुपर खेल्ने भएका छन् ।