बार्सिलोना कोपा डे रेको क्वाटरफाइनलमा
म्याड्रिड — लियोनल मेसीले सुरुआती १५ मिनेटमा दुई गोल गरेपछि बार्सिलोनाले सेल्टा भिगोलाई सजिलै हराएर कोपा डे रेको क्वाटरफाइनल यात्रा तय गरेको छ । दोस्रो लेगको खेलमा बार्सिलोना ५–० ले विजयी रह्यो ।
गता साताको पहिलो लेग १–१ को बराबरीमा रहेको थियो । यससँगै बार्सिलोनाले ६–१ को अग्रता लिन सफल रह्यो । दोस्रो लेगको खेलका लागि बार्सिलोनाले बलियो टिम उतारेको थियो ।
बार्सिलोनासँगै अन्तिम आठमा पुग्ने अरु टिममा रियल म्याड्रिड, एटलेटिको म्याड्रिड, भ्यालेन्सिया, लेगानेस, एलाभेस इस्पनयोल र सेभिया रहेका छन् ।