भिल्लारियलसँग रियल स्तब्ध
म्याड्रिड — पाब्लो फोर्नल्सले खेलको अन्त्यतिर गरेको उत्कृष्ट गोल मदतले भिल्लारियलले बर्नाबाउमा शनिबार राति रियल म्याड्रिडलाई १–० ले हराएको छ । यस हारले प्रशिक्षक जिनेदिन जिदानमाथि दबाब बढेको छ ।
रियलको १८ खेलबाट ३२ अंक भएको छ र चौथो स्थानमा छ । समान खेल खेलेको बार्सिलोना ४८ अंकसहित शीर्ष स्थानमा छ र दुई परम्परागत प्रतिद्वन्द्वीबीच १६ अंकको अन्तर भएको छ ।
शनिबार रातिका अर्को खेलमा एटलेटिको म्याड्रिडले आइबरलाई १–० ले हरायो र ४२ अंकसहित दोस्रो स्थानमा रह्यो । यस्तै जिरोनाले लास पाल्मासलाई ६–० को ठूलो अन्तरले हरायो ।
प्रकाशित : पुस ३०, २०७४ ०९:१५प्रतिक्रिया