विराटनगर च्याम्पियन

टस जितेर ब्याटिङ गरेको बिराटनगरले निर्धारित २० ओभरमा सबै विकेट गुमाई १ सय १२ रन बनायो । बिराटनगरबाट मिनश थापाले २४, मुकेश यादवले १८ र अमित यादवले १० रनको योगदान दिए । धनगढीका सागर भण्डारीले ३ र नारायण जोशीले २ विकेट लिए ।

जवाफमा धनगढी निर्धारित २० ओभरमा १ सय १० रन बनाउदै अलआउट भयो । नारायण जोशीले २७, अजय विष्टले २० र लोकेश बमले १७ रन जोडे पनि त्यो जितका लागि पर्याप्त हुन सकेन । विराटनगरका म्यान अफ द फाइनल मुकुन्द यादवले ३, दीपेश कँडेल र मिनश थापाले समान २ विकेट लिए । प्रतियोगितामा सर्वोत्कृष्ट खेलाडी विराटनगरका मिनश थापा भए । उत्कृष्ट ब्याट्सम्यान काठमाडौंका अरुण ऐरी र उत्कृष्ट बलर इटहरीका मनीष दाहाल भए । उनीहरूले ५–५ हजार पुरस्कार पाए । प्रतियोगितामा आयोजक इटहरी क्रिकेट एकेडेमी, काठमाडौं, विराटनगर, नेपालगन्ज, भैरहवा र धनगढीका टोली सहभागी थिए ।