शिवराम र रवि अघि बढ्दै

शीर्ष वरीयताका गल्फर शिवरामले सबैभन्दा सहज जित दर्ता गर्ने क्रममा १६ औं वरीयताका रामकृष्ण श्रेष्ठलाई ६ होल अग्रताले हराए । पछिल्लो सिजन म्याच–प्लेको उपाधि जितेका रविले पशुपति शर्मालाई हराउँदै क्वाटरफाइनलमा स्थान बनाए । दोस्रो वरीयताका सञ्जय लामाले भने अन्तिम होलसम्म पुगेको प्रतिस्पर्धामा प्रदीप लामालाई दुई होलले पराजित गरे । उनी गत संस्करणका उपविजेता हुन् ।

तेस्रो वरीयताका भुवन नगरकोटीले १४ औं वरीयताका कृष्णमान राजवाहकलाई ४ होल र पाँचौं वरीयताका सूर्यप्रसाद शर्माले ७ स्थान मुनिका विकास अधिकारीलाई अन्तिम होलअघि पराजित गरे । ११ औं वरीयताका यलम्बरसिंह अधिकारी, रामे मगर र जयराम श्रेष्ठ पनि विजयी हुँदै क्वारफाइनल पुगेका छन् ।