अनमोललाई ट्रफी

कान्तिपुर संवाददाता

काठमाडौँ — प्रोग्रेसिभ एजुकेसनल फोरम (पीईएफ) द्वारा आयोजित सातौं पीईएफ स्पोर्ट्स मिटमा अनमोलज्योति स्कुल प्रथम भएको छ। सानो गौचरनमा आयोजित स्पोर्टस मिटमा कुल २४ अंकसाथ अनमोलले रनिङ सिल्ड जितेको हो। 

दुर्गा भवानी एकेडेमी २३ अंकसाथ दोस्रो भयो। मोक्षदा स्कुल र महान् सिद्धार्थ स्कुल समान १५ अंकसाथ तेस्रो स्थानमा रहे। न्यु सनसाइन (१३) र लभ्ली एन्जल्स स्कुल (१२) ले क्रमश: चौथो र पाँचौं स्थान हात पारे। प्रतियोगितामा सटपुट, लङजम्प, १०० र २०० मिटर दौड, ४०० मिटर रिले, टग अफ वार जस्ता ट्रयाक एन्ड फिल्ड इभेन्टमा ११ स्कुलका ४ सय ५० भन्दा बढी छात्रछात्राको सहभागिता थियो। विजेतालाई पीईएफका अध्यक्ष विष्णुप्रसाद पोखरेल, उपाध्यक्ष बाबुराम केसी, सचिव लम्बोदर घिमिरे, कोअर्डिनेटर नीतेश राईलगायतले पुरस्कृत गरे।

प्रकाशित : माघ २७, २०७४ ०७:२१
प्रतिक्रिया
पठाउनुहोस्

‘फागुन ६ मा नयाँ सरकार’

कान्तिपुर संवाददाता

काठमाडौँ — माओवादी केन्द्रका अध्यक्ष पुष्पकमल दाहालले आगामी फागुन ६ मा नयाँ सरकार गठन हुने बताएका छन्।

‘छिटोमा फागुन २ गते नभए, ६ गतेभित्रै नयाँ सरकार बन्छ,’शुक्रबार भरतपुर विमानस्थलमा उनले भने, ‘फागुन ५ भित्र निर्वाचन आयोगले प्रतिनिधिसभाकोसबै परिणाम बुझाइसकेपछि ६ गते नयाँ सरकार बन्ने सम्भावना छ।’

यो विषयमा राष्ट्रपतिसँग भेटघाट र कुराकानी भइसकेको उनले खुलाए। अध्यक्ष दाहालले पार्टीएकता भनेको गठबन्धन गरेको जस्तो सहज नभएको बताए। ‘केही ढिला भएको हो,’ उनले भने,‘तर ढिलो, चाँडो एकता हुन्छ, पार्टी एकताको मोडालिटी अन्तिम रूपमा पुगेको छ।’

दुवै पार्टीबीच वार्ता सकारात्मक भएको उनले स्पष्ट पारे। पार्टी एकता संयोजक समिति बैठकबाटचाँडोभन्दा चाँडो एकताको विषय टुंगिने उनले बताए। ‘मेरो प्रयास सरकार गठनभन्दा अघिएकता होस् भन्नेमा हो,’ उनले भने, ‘एमाले अध्यक्ष केपी ओलीको पनि त्यसैमा जोड छ, हामीदुई अध्यक्षको जोड सकेसम्म पार्टी एकता चाँडै टुंग्याउनेभन्ने नै हो।’

प्रतिनिधिसभा निर्वाचनमा चितवनबाट विजयी भएपछि उनी नियमित गृहजिल्ला आउने गरेकाछन्। उनले पदको बाँडफाँटले एकता ढिला भएको हल्ला गलत भएको बताए। ‘हामीले विचार,राजनीतिक लाइन र संगठनात्मक सेटिङलाई कसरी मिलाउने भन्ने बारेमा छलफल गरिरहेकाछौं,’ उनले भने,‘पदको समस्याले एकता ढिला भएको होइन, केपीजीले पनि सबै पदपाइसक्नुभएको छ, मैले पनि सबै पद पाइसकेको छु। पदकै लागि हो कि भन्ने भ्रम परेको होलातर त्यो बिलकुल होइन।’

प्रकाशित : माघ २७, २०७४ ०७:१३
पूरा पढ्नुहोस्
प्रतिक्रिया
पठाउनुहोस्