काठमाडौँ — ओमेगा अन्तरकलेज ट्वान्टी–२० क्रिकेटमा शनिबार पेन्टागन कलेज र मध्यरौतहट बहुमुखी क्याम्पसले जित दर्ता गरेका छन् । पुल्चोक क्याम्पस मैदानमा पेन्टागनले नाइटिङ्गेल कलेजलाई २५ रनले हरायो ।
पेन्टागनले प्रस्तुत गरेको १ सय ३० रनको लक्ष्य पछयाउने क्रममा नाइटिङ्गेल १ सय ५ रनमा अलआउट भयो । दोस्रो खेलमा मध्यरौतहटले आयोजक ओमेगा कलेजमाथि ८ विकेट विजय पायो । ओमेगाले दिएको १ सय १२ रनको लक्ष्य रौतहटले १९ औं ओभरमा भेटेको थियो ।