आर्मीको जित

आर्मीको जितमा विनोदले २४ अंक, ११ असिस्ट र १५ रिबाउन्डसहित पहिलो खेलमै ट्रिपल–डबलको प्रदर्शन गरे । उनलाई रविन खत्री (१४ अंक, १३ असिस्ट) तथा कप्तान सदीश प्रधान (१६ अंक, ५ असिस्ट) ले राम्रो साथ दिए । बीएमकेका विकास गुरुङले २२ अंक जोडे पनि टोलीलाई जित दिलाउन सकेनन् ।

खेलको सुरुमा केही मिहिनेत गर्नुपरे पनि आर्मीले पहिलो क्वाटर २४–११ ले आफ्नो पक्षमा पार्‍यो । दोस्रो क्वाटरमा १९–१७ ले पछाडि परेको बीएमकेले तेस्रो क्वाटर २५–१६ ले आफ्नो पक्षमा पार्दै समग्रमा अग्रता ६ अंकमा घटायो । आर्मीले अन्तिम क्वाटर २८–२० ले जित्दै प्रतियोगितामा सुखद सुरुआत गर्न सफल रह्यो ।

डेढ महिना चल्ने होम एन्ड अवे प्रणालीको लिगमा आठ टोली सहभागी छन् । आइतबार एकमात्र खेलमा हिमालयन हाउन्ड्सले कीर्तिपुर बास्केटबलसँग खेल्नेछ ।