हेटौंडा गोल्डकपको उपाधि आर्मीलाई 

वर्षको सर्वाधिक सफल टोली आर्मीको यो छैठौं उपाधि हो । आर्मीको जितमा विकेश कुथु, सन्तोष तामाङ, दिप लामा र विवेक बस्नेतले गोल गरेका थिए । नवयुगले गरेको प्रहार गोलपोस्टमा लागेर बाहिरिएको थियो ।

नेपाल पुलिसका लागि सुमन लामा, अजित राजभण्डारी र दिनेश राजवंशीले गोल गरे । तेज तामाङले प्रहार गरेको बल आर्मीका गोलरक्षक विकेशले बचाए र बुद्ध लामाको प्रहार जाली बाहिर गएको थियो । आर्मीका विकेश कुथु म्यान अफ द म्याच घोषित भए ।

पुलिसका अभिषेक रिजाल उत्कृष्ट फर्वाड, पुलिसकै तेज तामाङ उत्कृष्ट मिडफिल्डर र दिनेश राजवंशी उत्कृष्ट डिफेन्स घोषित भए । आर्मीका विवेक कुथु उत्कृष्ट गोलकिपर र आर्मीकै नवीन न्यौपाने उत्कृष्ट प्रशिक्षक घोषित भए । जनही १५ हजार रुपैयाँ प्राप्त गरेका छन् । विजेता टिमलाई ५ लाख र उपविजेतालाई ३ लाख रुपैयाँ प्रदान गरियो ।

सुमन भोम्जन स्मृति खेलकुद प्रतिष्ठानको आयोजनामा फागुन ५ गतेबाट हेटौंडा–१० स्थित फरेष्ट्री खेल मैदानमा सञ्चालन भएको प्रतियोगितामा विभागीय तीनसहित आठ टिमको सहभागिता रहेको थियो । प्रतियोगितामा ‘ए’ डिभिजन क्लब थ्रीस्टार, मनाङ मर्स्याङ्दी, नेपाल पुलिस, नेपाल आर्मी, सशस्त्र प्रहरीको एपीएफ, संकटासहित हेटौंडाको बिजय युथ र सुदूरपश्चिम–११ को सहभागिता रहेको थियो ।