टोटेनहमको जितमा केन घाइते

बर्नमाउथले घरेलु मैदानमा खेलको सातौं मिनेटमा जुनियर स्टानिस्लासको गोलमा अग्रता लिएको थियो । ह्यारी केन पहिलो हाफको मध्यतिर चोट बोक्दै निस्केपछि टोटेनहम थप समस्यामा परेको थियो । डेले आलीको ३५ हौं मिनेटको गोलमा खेल बराबरीमा आयो ।

दोस्रो हाफमा ह्युङ मिन सनले दुई तथा सर्ज अौरियरले १ गोल गरेपछि टोटेनहम विजयी रह्यो । अंक तालिकामा लिभरपुललाई पछि पार्दै स्पर्स तेस्रो स्थानमा उक्लिएको छ ।