क्रिकेट विश्वकप छनोट : पपुवा न्यूगिनीविरुद्ध नेपाल (अपडेट)

पीएनजीद्वारा नेपालसामू १ सय १५ रनको लक्ष्य
विनोद पाण्डे, सुबास हुमागाईं

काठमाडौँ — नेपालले सन् २०१९ मा हुने वान डे विश्वकप छनोटअन्तर्गत प्लेअफको पहिलो चरणमा पीएनजीको सामना गर्दैछ । समूह 'बी' मा चौथो भएको नेपालले समूह 'ए' को पुछारमा रहेको पीएनजीलाई पराजित गरे वान-डे अन्तर्राष्ट्रिय मान्यता प्राप्त गर्ने प्रबल सम्भावना छ । 

खेलको प्रत्यक्ष अपडेट:
प्लेअफअन्तर्गत नेपालले पीएनजीको सामना गर्दा नेदरल्यान्ड्सले हङकङसँग खेल्नेछ । नेपाललाई वान–डे अन्तर्राष्ट्रिय मान्यता पाउन पीएनजीविरुद्ध जितको विकल्प भने रहने छैन । नेपालले पीएनजीलाई र नेदरल्यान्ड्सले पनि हङकङलाई पराजित गरेको खण्डमा नेपाललाई चारवर्षे वान–डे अन्तर्राष्ट्रिय मान्यताको मौका मिल्नेछ । नेपालको जितसँगै अर्को खेलमा हङकङ विजयी हुँदा सबै अवसर पाउन नेपालले अर्को खेलमा हङकङमाथि विजय प्राप्त गर्नुपर्ने हुन्छ ।

Yamaha

नेपालले यसअघि पीएनजीविरुद्ध खेलेका तीनै खेलमा हार बेहोरेको छ । सन् २००५ मा भएको पहिलो भिडन्तमा अहिले टोलीका कप्तान पारस खड्का र शक्ति गौचन खेलेका थिए । पारसले अर्धशतक बनाए पनि नेपाल ७० रनले पराजित भयो । त्यसयता सन् २०१५ को अन्त्यतिर विश्व क्रिकेट लिग च्याम्पियनसिपमा नेपालले दुवै खेल निकै झिनो अन्तरले गुमाएको थियो।

Esewa Pasal

प्रकाशित : चैत्र १, २०७४ १२:२६
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

अध्यागमन सुरक्षामा अमेरिकी चासो

कान्तिपुर संवाददाता

काठमाडौँ — काठमाडौंस्थित अमेरिकी दूतावासले अध्यागमन सुरक्षा सम्बन्धि विषयमा गृह मन्त्रालयसँग सहकार्य गर्ने प्रस्ताव राखेको छ । 

बिहीबार गृहमन्त्री रामबहादुर थापासँगको भेटमा नेपालका लागि अमेरिकी राजदूत अलाइना बी टेप्लिजले यस्तो अपेक्षा राखेकी हुन् । राजदुतले अमेरीकी नागरिकबाट नेपाल सरकारले लिने प्रवेशाज्ञा शुल्क पुनरावलोकन हुनुपर्ने विषयमा पनि गृहमन्त्रीको ध्यानकार्षण गराएकी थिइन् ।

राजदूत टेप्लीजले मानव तस्करी नियन्त्रण, भुटानी शरणार्थी, तिब्बती शरणार्थीको व्यवस्थापनका विषयमा पनि कुरा राखेकी थिइन् । मन्त्री थापाले यि विषयहरु मन्त्रालयले अध्ययन गरीरहेको र सोही आधारमा भविष्यमा निर्णय लिइने जानकारी गराए ।

प्रकाशित : चैत्र १, २०७४ ११:५२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT