लिभरपुलको जितमा सलाहको चार गोल
लन्डन — मोहम्मद सलाहले चार गोल गरेपछि लिभरपुलले इंग्लिस प्रिमियर लिगमा वाटफोर्डलाई एनफिल्डमा शनिबार राति ५–० ले हरायो र लिगको तेस्रो स्थानमा उक्लिन सफल रह्यो ।
सलाहले वाटफोर्डको कमजोर डिफेन्सको फाइदा उठाउँदै ४, ४३, ७७ र ८५ औं मिनेटमा गोल गरे । अर्को गोल रोबर्टो फिरमिन्होको नाममा रह्यो । यो जितपछि लिभरपुलको ६३ अंक भएको छ ।
यो चौथोमा रहेको चेल्सीमाथि दुई अंकको अग्रता हो । शनिबारका अरु खेलमा एभरटनले स्टोकलाई २–१, क्रिस्टल प्यालेसले हडर्सफिल्डलाई २–० तथा बर्नमाउथले वेस्ट ब्रुमलाई २–१ ले हरायो ।
प्रकाशित : चैत्र ४, २०७४ ०७:४८प्रतिक्रिया