रोनाल्डोको ५० औं ह्याट्रिक
म्याड्रिड — क्रिस्टियानो रोनाल्डोको ५० औं ह्याट्रिकको मदतले रियल म्याड्रिडले आइतबार राति स्पेनी ला लिगमा गिरोनालाई ६–३ ले हरायो र लिग तालिकाको तेस्रो स्थानमा उक्लियो ।
रोनाल्डोले खेलमा कुल चार गोल गरे । उनले ११, ४७, ६४ र इन्ज्युरी समयमा गोल गरे । रियलको जितपछि ६० अंक भएको छ । यसअघि लिगको शीर्ष स्थानमा रहेको बार्सिलोनाले एथलेटिको बिलबाओलाई २–० ले हरायो ।
एटलेटिको म्याड्रिड भने भिल्लारियलको हातबाट २–१ ले पराजित रह्यो । बार्सिलोनाको ७५ अंक छ भने एटलेटिको ६४ अंकमा दोस्रोमा छ । रियलको ६० अंक भएको छ ।
प्रकाशित : चैत्र ५, २०७४ ०७:१३