आयशा च्याम्पियन

नेपाल खेलाडी तथा प्रशिक्षक संघको सहकार्यमा सन् १९९० देखि २००८ की सफ्ट टेनिसकी राष्ट्रिय च्याम्पियन नीरा कायस्थले आयोजना गरेको प्रतियोगिताको पुरुष सिंगल्समा युकेश योञ्जन, दीपेन्द्र थापामगर, राजेन्द्र श्रेष्ठ, आशिष बोहरा, राजकुमार थापा, बृजेश पाण्डे, उमेश
शाही र आभाष बुढाथोकी क्वाटरफाइनल पुगेका छन् ।

यू–१४ गल्र्स सिंगल्समा आयशा डोल्कर गुरुङ फाइनलमा रोशनी लिम्बूलाई ४–१ ले हराउँदै विजेता बनिन् । यू–१० ब्वाइज सिंगल्समा आयुशमान हजुर घले पहिलो भए । उनले फाइनलमा कुमार गिरीलाई ४–१ ले समाप्त पारे ।

यू–१४ ब्वाइज सिंगल्समा प्रितम परियार र सुरज चौधरी फाइनल पुगेका छन् । यू–१० गल्र्स सिंगल्समा सुनिरा थापा फाइनल पुगिन् । उनले रितिका चौधरी र रशिका पोखरेलबीचको विजेतासँग उपाधि भिडन्त गर्ने छन् । प्रतियोगितामा विभिन्न ६ स्पर्धामा ५६ खेलाडी सहभागी छन् ।