डीपीएल-२ क्रिकेटको उपाधि टिम चौराह धनगढीलाई [अपडेट]

काठमाडौंबाट ओपनर अमित श्रेष्ठले ससर्ावधिक ५८ रन बनाए । ३९ बल खेलेका उनले ७ चौका र ३ छक्का प्रहार गरे ।

पुष्प थापा १५, ज्ञानेन्द्र मल्ल ३०, नरेश बुढाऐर १९ र सन्नी पटेल २२ रनमा आउट भए ।

टिम चौराह धनगढीका ललितसिंह भण्डारीले ३ र म्यान अफ दि फाइनल रोहन मुस्तफाले २ विकेट लिए ।

ललितले ४ ओभरमा २२ र मुस्तफाले ४ ओभरमा ४६ रन खर्चिए । सम्साद शेख र योगेन्द्रसिंह कार्कीले १/१ विकेट लिए ।

गत वर्ष धनगढीले विराटनगर किंग्सलाई पराजित गर्दै डीपीएलको पहिलो संस्करण जितेको थियो ।

टस जितेर ब्याटिङ गरेको धनगढीले निर्धारित २० ओभरमा ४ विकेट गुमाउँदै १८१ रन बनायो ।

सुनील धमला र रोहन मुस्तफाले १४२ रनको साझेदारी गरेपछि धनगढीले फाइनलमा राम्रो योगफल बनाएको हो ।

ओपनर धमलाले ६३ बल खेली ८ चौका ३ छक्काको मद्दतले ७८ रन बनाए । उनी अन्तिम ओभरमा सुबोथ भाटीको बलमा आउट भए ।

अर्का ओपनर अस्फाक अहमदलाई ४ रनमा गुमाएपछि क्रिजमा आएका मुस्तफाले ६० रन बनाए । युएईका यी ब्याट्सम्यानले ४२ बल खेली ४ चौका र ४ छक्का प्रहार गरे ।

काठमाडौं गोल्डेन्सबाट भाटीले २ विकेट लिए । सन्नी पटेलले १ विकेट लिए ।

....

यी दुई टोली प्रतियोगितामा तेस्रोपटक भिडेका थिए ।

उद्घाटन खेलमा काठमाडौं गोल्डेन्सले धनगढीलाई पराजित गरेको थियो भने पहिलो क्वालिफायरमा धनगढीले १ बल बाँकी रहँदा १ विकेटको रोमाञ्चक विजय हात पारेको थियो ।

Tweets about ""#TCDvsKG from:kantipurdaily'""