कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १३४

टोरेसको १०० गोल

एएफपी

म्याड्रिड — फर्नान्डो टोरेसले ला लिगामा व्यक्तिगत सय गोल गर्दै आइतबार राति एट्लेटिको म्याड्रिडलाई लेभान्टेमाथि ३–० को जित दिलाएका छन् । टोरेसले यसअघि सिजनको समाप्तिमा क्लब छाड्ने घोषणा गरेका थिए ।

टोरेसको १०० गोल

लिभरपुल र चेल्सीका पूर्व खेलाडी पछिल्लो समय एट्लेटिकोमा पहिलो रोजाइमा छैनन् । टोरेस दोस्रो हाफमा एन्टोनियो ग्रिजमनको स्थानमा आएका थिए र उनले १० यार्डबाट भलीमा गोल गरे । एट्लेटिकोबाट अन्य दुई गोल एन्जेल कोरेरा र ग्रिजमनले गरेका थिए । घरेलु मैदानमा पछिल्लो १० खेल जित्दा एक गोलमात्र खर्चेको एट्लेटिकोले अर्को साता आर्सनलसँग युरोपा लिगको सेमिफाइनलमा प्रतिस्पर्धा गर्दै छ ।

अर्को खेलमा रियल म्याड्रिडले मालागालाई २–१ ले हरायो । रियलका इस्को र कासेमिरोले गोल गरे । इस्कोले २९ औं मिनेटमा कर्लिङ फ्रिकिकमा सानदार गोल गरे । उनले पूर्व क्लबविरुद्ध कासेमिरोलाई गोलका लागि पास उपलब्ध गराइदिए । जेसस भालेजोले गरेको गल्तीमा अन्तिम सेकेन्डमा मालागाबाट डिएगो रोलानले गोल फर्काएका थिए । ६ खेलमात्र बाँकी हुँदा पुछारमा मालागा रेलिगेसनभन्दा १४ अंकले पछाडि छ । मध्यसातामा युभेन्ट्समाथि युरोपियन च्याम्पियन्स लिगमा ३–१ ले पराजित भए पनि ४–१ को अग्रतामा अगाडि बढेको रियलले क्रिस्टियानो रोनाल्डो र गारेथ बेललाई आराम दिएको थियो । लिगमा बार्सिलोना ८२ अंकमा शीर्षस्थानमा छ । उसको पछाडि एट्लेटिको ७१ र रियल ६७ अंकमा छन् ।

प्रकाशित : वैशाख ४, २०७५ ०७:५७
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?