नेपालगन्ज कप फाइनलमा दंगाली

सोमबार दंगालीले पाल्पा योद्धाजविरुद्ध ७ विकेटको जित दर्ता गरेको थियो । प्रतियोगितामा एउटै खेल जित्न नसकेको पाल्पाले टस जितेर ब्याटिङ रोजेको थियो । निर्धारित २० ओभरमा ७ विकेट गुमाउँदै १ सय १३ रन बनायो ।

दंगालीले १ सय १४ रनको लक्ष्य १४.४ ओभरमा ३ विकेट गुमाउँदै पूरा गरेको थियो । लिगको अन्तिम खेलको हारसँगै पाल्पा प्रतियोगिताबाट बाहिरिएको छ । अर्धशतक बनाएका दंगालीका सद्दाव अन्सारी म्यान अफ द म्याच घोषित भए ।